رەسەيدىڭ ەكونوميكاسى كۇرت قۇلدىراپ كەتتى
22 قىركۇيەك 20:49

رەسەيدىڭ ەكونوميكاسى كۇرت قۇلدىراپ كەتتى

استانا. قازاقپارات – بيۋجەت تاپشىلىعى - رەسەي پرەزيدەنتى ۆلاديمير پۋتيننىڭ ءىشىنارا موبيليزاتسيالاۋ تۋرالى مالىمدەمەسىنەن كەيىن ۇلتتىق ۆاليۋتالارى - رۋبل بىردەن 5 پايىزعا ارزاندادى. رەسەيلىك اكسيالار قۇنىن جوعالتتى. كەلگەن شىعىن - 1 تريلليون رۋبل.

دەمەك، ەلدە باعا وسەدى. ونسىز دا تۇرعىنداردى قىمباتشىلىق قىسپاققا العان.

Qazaqstan تەلەارناسى ونداعى ازىق-تۇلىك، تەحنيكا، قۇرىلىس ماتەريالدارىنىڭ 100 پايىزعا دەيىن قىمباتتاعانىن حابارلادى.

مالىمدەمەدەن سوڭ رەسەيدەن ىستامبۇل، الماتى، بىشكەك، باكۋ سياقتى قالالارعا اۋە بيلەتتەرى بىردەن ساتىلىپ كەتكەن. كەشە ولاردىڭ باعاسى دا شارىقتاپ شىعا كەلگەنىن جازعان ەدىك. ەلدەن كەتكىسى كەلەتىندەر سانىنىڭ كۇرت وسكەنى سونشا، ماسكەۋدەن الماتىعا ءۇشىنشى مەملەكەت ارقىلى جەتۋ ءۇشىن ۇشاق بيلەتى 8 ميلليون تەڭگەگە دەيىن جەتىپ وتىر. قارجىگەرلەردىڭ ايتۋىنشا، رەسەي ءۇشىن داعدارىستىڭ زاردابى اۋىر بولماق. قازىردىڭ وزىندە ءىرى كومپانيالاردىڭ 23 پايىزدان استامى جۇمىسشىلارىن قىسقارتپاق. سوندىقتان 4 ميلليون ادامعا جۇمىسسىز قالۋ قاۋپى ءتونىپ تۇر.

سانكسيامەن كۇرەسۋدىڭ ءتيىمدى جولى - ءوز ءوندىرىسىمىزدى كوبەيتۋ، ياعني يمپورتتىق تاۋارلارعا تاۋەلدىلىكتەن ارىلۋ. الايدا ول ءۇشىن قارجى مەن ۋاقىت كەرەك. ءبارى بۇگىن- ەرتەڭ شەشىلە قويمايدى. كەم دەگەندە 3-4 جىل كەتەدى. جۋىردا رەسەيگە قارسى جاڭا سانكسيالار جاريالانادى دەپ ويلايمىن، - دەيدى ايماقتىق ماسەلەلەر ينستيتۋتىنىڭ باس ديرەكتورى دميتري جۋراۆليەۆ.

قازىر بيۋجەت تاپشىلىعى - 2,9 تريلليون رۋبل. دۇنيەجۇزىلىك بانك رەسەيدەگى قىمباتشىلىق 22 پايىزعا دەيىن جەتەتىنىن مالىمدەدى. ال ماماندار ەگەر سانكسيالاردىڭ كەلەسى پاكەتىندە رەسەيلىك ەكسپورتتى تولىقتاي شەكتەۋ تۋرالى ەرەجە قابىلدانسا، ەكونوميكا قۇلدىراي تۇسەدى دەپ وتىر.


جاڭالىقتار