پارلامەنت اسىل تۇقىمدى مال شارۋاشىلىعى سالاسىن دامىتۋعا ارنالعان قۇجاتتى قابىلدادى
22 قىركۇيەك 16:56

پارلامەنت اسىل تۇقىمدى مال شارۋاشىلىعى سالاسىن دامىتۋعا ارنالعان قۇجاتتى قابىلدادى

استانا. قازاقپارات - سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇقىمدى مال شارۋاشىلىعى جانە بيووتىن اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى ەكىنشى وقىلىمدا قارالىپ، قابىلداندى، دەپ حابارلايدى قازاقپارات ءتىلشىسى.

«قارالىپ وتىرعان زاڭ جوباسىن قابىلداۋ اسىل تۇقىمدى مال شارۋاشىلىعى سالاسىندا قولدانىستاعى زاڭنامانى جەتىلدىرىپ، زاماناۋي نورماتيۆتىك-قۇقىقتىق بازا قۇرۋعا، سەلەكتسيالىق جانە اسىل تۇقىمدى مال شارۋاشىلىعى جۇمىستارىن جۇرگىزۋ تاسىلدەرىن قايتا رەتتەپ، اۋىل شارۋاشىلىعى مالدارىنىڭ گەنەتيكالىق الەۋەتى مەن ونىمدىلىك كورسەتكىشتەرىن جاڭا دەڭگەيگە كوتەرۋگە باعىتتالعان. سونىمەن قاتار، بيوەتانولدى پايدالانۋ اياسىن كەڭەيتۋ كوزدەلگەن. زاڭ جوباسى سەنات وتىرىسىندا قارالىپ، ءبىرىنشى وقىلىمدا ماقۇلداندى»، - دەدى سەناتور دۇيسەنعازى مۋسين.

وسى ورايدا ول بۇل قۇجات اسىل تۇقىمدى مال شارۋاشىلىعى سالاسىن ساپالى جاڭا دەڭگەيگە كوتەرۋگە، ەلىمىزدىڭ ازىق-تۇلىك قاۋىپسىزدىگىن نىعايتۋعا وڭ اسەرىن تيگىزەتىنىن ايتتى.

قۇجات اگروونەركاسىپ كەشەنىن ءارى قاراي جاڭعىرتۋعا جانە سيفرلاندىرۋعا، اسىل تۇقىمدى مال شارۋاشىلىعىنداعى تيىمدىلىك پەن باسەكەگە قابىلەتتىلىكتى ارتتىرۋعا، بيوەتانولدى پايدالانۋ سالاسىن كەڭەيتۋگە جانە وسى باعىتتاعى تاعى باسقا باسىمدىقتاردى جەتىلدىرۋگە ارنالعان.

جاڭالىقتار