قىتاي ترانسشەكارالىق تۋريزمدى دامىتۋعا نيەتتى
22 قىركۇيەك 07:25

قىتاي ترانسشەكارالىق تۋريزمدى دامىتۋعا نيەتتى

بەيجىڭ. قازاقپارات - ق ح ر مادەنيەت جانە تۋريزم مينيسترلىگى تۋريستەردى تارتۋ ءۇشىن قىتايدىڭ شەكارالاس ايماقتارىنا شەتەلدىكتەردىڭ كەلۋىن جەڭىلدەتۋگە باعىتتالعان جوبا جاريالادى، دەپ حابارلايدى قازاقپارات ءتىلشىسى.

«ترانسشەكارالىق تۋريزم تۋرالى» جوبانىڭ تۇسىندىرمەسىندە قىتايدىڭ شەكارالاس اۋداندارىنا تۋريستىك اگەنتتىكتەر ۇيىمداستىرعان تۋريستىك توپتاردىڭ كىرۋ جانە شىعۋ پۋنكتتەرىن «ىڭعايلى» تاڭداي الاتىنى ايتىلعان.

سونىمەن قاتار، بۇل جوبا قىتاي مەن كورشىلەس ەلدەر اراسىندا ءوزارا تۋريستىك ساپارلاردى جۇزەگە اسىرۋ ءۇشىن ترانسشەكارالىق تۋريزم سالاسىندا ءتيىستى كەلىسىمدەرگە قول قويۋدى كوزدەيدى.

جوبادا ق ح ر ۇكىمەتى قىتايدىڭ شەكارالاس ايماقتارىن كورشىلەس ەلدەردىڭ شەكارالاس ايماقتارىمەن ترانسشەكارالىق ءتۋريزمدى دامىتۋ جانە شەكارالىق ايماقتا تۋريستىك باعىتتاردى قۇرۋ ءۇشىن ىنتىماقتاستىقتى نىعايتۋعا شاقىراتىنى اتاپ وتىلگەن.

ق ح ر سىرتقى ىستەر مينيسترلىگى ەۋروپا جانە ورتالىق ازيا دەپارتامەنتى ديرەكتورىنىڭ ورىنباسارى ليۋ جيانپيننىڭ ايتۋىنشا، قازاقستان مەن قىتاي دوستاس كورشىلەس ەلدەر، ال شەكارالىق ىنتىماقتاستىقتىڭ بولاشاعى زور.

جوبانى ق ح ر مادەنيەت جانە تۋريزم مينيسترلىگى مەن سىرتقى ىستەر مينيسترلىگى، باس كەدەن باسقارماسىمەن جانە كوشى- قون قىزمەتىمەن بىرلەسىپ دايىندادى.

قازاقستان رەسپۋبليكاسى ق ح ر شىڭجاڭ- ۇيعىر اۆتونوميالىق اۋدانىمەن (ش ۇ ا ا) شەكتەسەدى. ستاتيستيكالىق مالىمەتتەرگە سۇيەنسەك، بيىلعى 1-21-شىلدە ارالىعىندا عانا ش ۇ ا ا- عا 25 ميلليون تۋريست كەلگەن (2021 -جىلدىڭ وسى كەزەڭىمەن سالىستىرعاندا % 15,7 عا ءوستى).




جاڭالىقتار