قازاقستان مەن ا ق ش: قاي سالالاردا ىنتىماقتاستىق ارتادى

نۇر-سۇلتان. قازاقپارات - ق ر پرەزيدەنتى قاسىم- جومارت توقايەۆتىڭ قاتىسۋىمەن ءىرى امەريكالىق كورپوراتسيالارمەن ينۆەستيتسيالىق دوڭگەلەك ۇستەل اياسىندا ەكىجاقتى قۇجاتتارعا قول قويۋ ءراسىمى ءوتتى.

اتاپ ايتساق، «سامۇرىق- قازىنا» ا ق مەن «General Electric» كومپانياسى ەلەكتر ەنەرگياسىن گەنەراتسيالاۋ نىساندارىن دامىتۋ ءۇشىن تاجىريبە الماسۋ ماسەلەلەرى بويىنشا ىنتىماقتاستىق جانە ارىپتەستىك تۋرالى كەلىسىمگە قول قويدى.

«ق ت ج» ۇ ك» ا ق مەن «Wabtec» كورپوراتسياسى لوكوموتيۆ ءوندىرۋ، جەتكىزۋ جانە ولارعا تەحنيكالىق قىزمەت كورسەتۋ، سيفرلىق شەشىمدەردى ەنگىزۋ جانە لوكوموتيۆتەردى گاز موتورلى وتىنعا اۋىستىرۋ ارقىلى جاسىل تەحنولوگيالاردى قولدانۋ بويىنشا ستراتەگيالىق ىنتىماقتاستىق تۋرالى كەلىسىمگە قول قويدى.

«KAZAKH INVEST» ۇ ك» ا ق مەن «General Electric» اراسىندا قازاقستان رەسپۋبليكاسىندا ينۆەستيتسيالىق جوبالاردى ازىرلەۋ جانە ىسكە اسىرۋ، ونىڭ ىشىندە مەديتسينالىق تەحنيكا ءوندىرىسىن وقشاۋلاۋ بويىنشا ءوزارا تۇسىنىستىك تۋرالى مەموراندۋم جاسالدى.

سونداي- اق «KAZAKH INVEST» ۇ ك» ا ق مەن Pfizer كومپانياسى اراسىندا پنيەۆموكوككتى ۆاكتسينا ءوندىرىسىن وقشاۋلاۋ بويىنشا ءوزارا تۇسىنىستىك تۋرالى مەموراندۋمعا قول قويىلدى.

«QazaqGaz» ۇ ك» ا ق مەن امەريكالىق تاراپ اراسىندا ءۇش قۇجاتقا قول قويىلدى. اتاپ ايتقاندا، «Honeywell» كورپوراتسياسىمەن جابدىقتاردى جيناۋدى لوكاليزاتسيالاۋ (سونىڭ ىشىندە سىناۋىشتاردى)، تەحنولوگيالىق پروتسەستەردى باسقارۋدىڭ اۆتوماتتاندىرىلعان جۇيەسى، كۇكىرتتى گازدى كەپتىرۋ جانە قايتا وڭدەۋ، تسيفرلاندىرۋ، سونداي- اق قىزمەتكەرلەردى وقىتۋ ماسەلەلەرى بويىنشا ءوزارا تۇسىنىستىك تۋرالى مەموراندۋمعا قول قويىلدى.

ەسكە سالايىق، قازىر مەملەكەت باسشىسى ساپارمەن نيۋ- يوركتا ءجۇر. ول ب ۇ ۇ باس اسسامبلەياسىنىڭ 77-سەسسياسىنىڭ جالپى دەباتىنا قاتىسادى.