گۋگل قىزمەتكەرى اراي سابىرجان ق ر پرەزيدەنتىنە كومپانياداعى جۇمىسى تۋرالى ايتىپ بەردى
«2017 -جىلى حالىقارالىق اقپاراتتىق تەحنولوگيالار ۋنيۆەرسيتەتىندە (الماتى قالاسى) كومپيۋتەر سالاسىنان «باكالاۆر» دارەجەسىن الدىم. 2017 -جىلى سان- فرانسيسكوعا كەلىپ، ءبىراز ستارتاپ كومپانيالاردا جۇمىس ىستەدىم. قازىرگى كۇندە Google كومپانياسىندا ۆيرتۋالدى ماشينالاردىڭ باعدارلاماشىسىمىن»، - دەدى ا. سابىرجان نيۋ-يوركتە مەملەكەت باسشىسىمەن كەزدەسۋدە.
قاسىم-جومارت توقايەۆ Google كومپانياسىمەن كەلىسىمشارتى قانداي مەرزىمگە جاسالعانىن سۇرادى. جاس دارىن كەلىسىمشارت تولىق مەرزىمگە جاسالعانىن ءمالىم ەتتى.
اڭگىمە بارىسىندا ق ر پرەزيدەنتى وعان قازاقستانعا قايتىپ كەلۋدى ۇسىندى.
«امەريكادا جاقسى، ءبىراق قازاقستان دەگەن كەرەمەت قوي. مەن ويلايمىن، ءسىز قازاقستاندا دا ىستەي الاسىز»، - دەدى مەملەكەت باسشىسى.
بۇعان دەيىن حابارلاعانىمىزداي، 19-قىركۇيەكتە ا ق ش-عا جۇمىس ساپارىمەن بارعان ق ر پرەزيدەنتى شەتەلدە تۇراتىن ءارى الەمنىڭ جەتەكشى تەحنولوگيالىق كومپانيالارىندا جۇمىس ىستەپ جاتقان 400 قازاقستاندىقتى بىرىكتىرەتىن Digital Nomads IT قوعامداستىعىنىڭ وكىلدەرىمەن كەزدەستى.
ق. توقايەۆ ودان بولەك، ءبىرقاتار كەلىسسوز وتكىزدى. اتاپ ايتقاندا، جاھاندىق قارجى ينستيتۋتتارىنىڭ جەتەكشىلەرىمەن، Grupo Los Grobo كومپانياسىنىڭ ءتوراعاسى گۋستاۆو گروبوكوپاتەلمەن جانە حالىقارالىق دامۋ ورتالىعى ءوسىم زەرتحاناسىنىڭ ديرەكتورى، گارۆارد ۋنيۆەرسيتەتىنىڭ پروفەسسورى ريكاردو حاۋسمانمەن، JPMorgan Chase مەن Co. كومپانياسىنىڭ ءتوراعاسى - باس اتقارۋشى ديرەكتورى دجەيمي دايمونمەن، Eurasia Group كومپانياسىنىڭ پرەزيدەنتى يان برەممەرمەن، S جانە P Global قارجىلىق- تالداۋ كومپانياسىنىڭ ۆيتسە- پرەزيدەنتى دەنيەل ەرگينمەن، اۆستراليانىڭ بۇرىنعى پرەمەر-ءمينيسترى كيەۆين راددپەن، ەرام systems كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ ءتوراعاسى اركادي دوبكينمەن، Coursera كومپانياسىنىڭ باس ديرەكتورى دجەفف مادجيونكالمەن، Microsoft كومپانياسىنىڭ ورتالىق ازيا جانە شىعىس ەۋروپا بويىنشا باس مەنەدجەرى ميشەل سيممونسپەن، دۇنيەجۇزىلىك ەكونوميكالىق فورۋمنىڭ نەگىزىن قالاۋشى ءارى اتقارۋشى ديرەكتورى كلاۋس شۆابپەن، ا ق ش- تىڭ USAID حالىقارالىق دامۋ اگەنتتىگىنىڭ اكىمشىسى سامانتا پاۋەرمەن كەزدەستى.