قىتاي باسشىسىنىڭ ساپارى قازاقستاننىڭ ستراتەگيالىق ماڭىزدىلىعىن كورسەتەدى - ساراپشى
ونىڭ پىكىرىنشە، ق ح ر ءتوراعاسىنىڭ مەملەكەتتىك ساپارى قازاقستان ءۇشىن دە، بۇكىل ورتالىق ازيا ءوڭىرى ءۇشىن دە ماڭىزدى وقيعا سانالادى. سونىمەن قاتار ول قىتاي باسشىسىنىڭ پاندەميادان كەيىنگى العاشقى شەتەلدىك ساپارى ەكەنىن اتاپ ءوتتى. بۇل ءبىر جاعىنان قازاقستاننىڭ ستراتەگيالىق ماڭىزدىلىعىن، ەكىنشى جاعىنان قازاقستاندى بولجامدى، سەنىمدى سەرىكتەس رەتىندە كورسەتەدى.
«تاراپتار بىرلەسكەن كۇش- جىگەردى جانداندىراتىن قۇجاتتارعا قول قويىلادى دەپ كۇتۋدە. پاندەمياعا قاراماستان قازاقستانمەن ەكونوميكالىق بايلانىس تۇراقتى بولدى جانە بولىپ قالا بەرەدى»، - دەدى ساياساتتانۋشى.
ساياسات تانۋشى ق ح ر ءتوراعاسى شي جينپيڭ 9 جىل بۇرىن قازاقستانعا العاشقى مەملەكەتتىك ساپارى كەزىندە «ءبىر بەلدەۋ - ءبىر جول» ەكونوميكالىق بەلدەۋىن بىرلەسىپ سالۋ باستاماسىن رەسمي تۇردە ۇسىنعانىن ەسكە سالدى. سانات كوشكىمبايەۆتىڭ ايتۋىنشا، بۇل قىتايدىڭ جاھاندىق باستامالارىن ىسكە اسىرۋدا قازاقستاننىڭ قانشالىقتى ماڭىزدى ەكەنىن كورسەتەدى. شىن مانىندە، ەلىمىز جاھاندىق كولىك ءدالىزىنىڭ نەگىزگى بۋىنى سانالادى.