13:23, 13 - قىركۇيەك 2022 | GMT +6
مۇحتار ءابىليازوۆتىڭ سىبايلاسى قىتايدان قازاقستانعا اكەلىندى
نۇر- سۇلتان. قازاقپارات - مۇحتار ءابىليازوۆتىڭ سىبايلاسى حالىقارالىق ىزدەستىرۋدەن ەلگە قايتارىلدى. بۇل تۋرالى قازاقپارات سىبايلاس جەمقورلىق اگەنتتىگىنە سىلتەمە جاساپ حابارلايدى.
«ب ت ا- بانك» ا ق بۇرىنعى توپ- مەنەدجمەنتىنە قاتىستى قىلمىستىق ءىس بويىنشا 2011 -جىلدان باستاپ ىزدەۋدە «جاڭا قالقامان» ج ش س اتاۋلى ديرەكتورى پاك ۆيتالي لەونيدوۆيچ بولدى. 2006-2008 -جىلدار كەزەڭىندە وسى كومپانيانى زاڭسىز نەسيەلەۋ ارقىلى مۇحتار ءابىليازوۆ پەن ونىڭ سىبايلاستارى 8,9 ميلليارد تەڭگەدەن استام سوماعا اقشالاي قاراجاتتى ۇرلادى.
2019 -جىلى پاك قىتاي (چىڭدۋ ق.) اۋماعىندا انىقتالدى. كۇدىكتىنىڭ جاقىن تۋىستارىمەن جانە ادۆوكاتىمەن ءتيىستى ءتۇسىندىرۋ جۇمىستارى جۇرگىزىلگەننەن كەيىن، پاك قازاقستانعا ورالۋعا نيەت ءبىلدىرىپ، ول تۋرالى جازباشا ءوتىنىش جولدادى. وسى جىلى 27- تامىزدا ق ر ءى ءى م ينتەرپولدىڭ كومەگىمەن پاك چىڭدۋ قالاسىنان الماتى قالاسىنا كەلىپ، تەرگەۋ يزولياتورىنا قامالدى. سوتقا دەيىنگى تەرگەۋ جالعاسۋدا»، - دەلىنگەن حابارلامادا.