شي جينپيڭ پاندەميا باستالعاننان بەرى شەتەلگە العاشقى ساپارىن قازاقستانعا جاساپ وتىر– ق ر س ءى م
«بۇل ساپاردىڭ بىرەگەيلىگى، ونىڭ (ق ح ر ءتوراعاسى) پاندەميا باستالعاننان بەرى ساپارلايتىن ەڭ ءبىرىنشى ەلى قازاقستان بولۋىندا. ءبىز ءۇشىن، قازاقستان ءۇشىن بۇل زور مارتەبە. سونىمەن قاتار بۇل ساپار وتە جاقسى ءارى جوعارى دەڭگەيدە وتەدى دەپ سەنەمىز»، - دەدى س ءى م وكىلى ۆەدومستۆونىڭ اپتا سايىن وتەتىن بريفينگى بارىسىندا جۋرناليستەردىڭ ساۋالىنا وراي.
بۇعان دەيىن اقوردا پرەزيدەنت قاسىم-جومارت توقايەۆتىڭ شاقىرۋىمەن 14-قىركۇيەك كۇنى ەلىمىزگە قىتاي حالىق رەسپۋبليكاسىنىڭ ءتوراعاسى شي جينپيڭ مەملەكەتتىك ساپارمەن كەلەتىنىن حابارلاعان ەدى.
تاراتىلعان اقپاراتقا قاراعاندا، قازاقستان مەن قىتاي باسشىلارى قازاق- قىتاي ستراتەگيالىق سەرىكتەستىگىن جان- جاقتى نىعايتۋدىڭ پەرسپەكتيۆالارىن تالقىلايدى. كەلىسسوزدەردەن كەيىن ءبىرقاتار ەكىجاقتى قۇجاتقا قول قويۋ جوسپارلانىپ وتىر.