ءاليحان سمايىلوۆ ەرتىس ۇستىمەن اۆتوكوپىر سالۋعا قاراجات قاراستىرۋدى تاپسىردى
وعان قوسا رەسپۋبليكالىق بيۋجەتتى ناقتىلاۋ اياسىندا قوسىمشا 23 ميلليارد تەڭگەدەن استام قاراجات ءبولىندى. بۇل تۋرالى ءوڭىردىڭ كەشەندى الەۋمەتتىك-ەكونوميكالىق دامۋى جونىندە ق ر پرەمەر-ءمينيسترى ءاليحان سمايىلوۆ وتكىزگەن كەڭەستە ايتىلدى، دەپ حابارلايدى قازاقپارات.
ۇكىمەت باسشىسىنىڭ باسپا ءسوز قىزمەتىنەن ءمالىم ەتكەندەي، ءا. سمايىلوۆ پاۆلودار وبلىسى تاۋ-كەن ءوندىرۋ، مەتاللۋرگيا، حيميا ونەركاسىبى جانە قۇرىلىس سالاسى بويىنشا بەلسەندى تۇردە دامىپ كەلە جاتقان ەلىمىزدىڭ اسا ماڭىزدى يندۋستريالىق وڭىرلەرىنىڭ ءبىرى ەكەنىن اتاپ ءوتتى.
2022-جىلى وبلىستى دامىتۋعا شامامەن 134 ميلليارد تەڭگە قاراستىرىلعان، وعان قوسا رەسپۋبليكالىق بيۋجەتتى ناقتىلاۋ اياسىندا قوسىمشا 23 ميلليارد تەڭگەدەن استام قاراجات ءبولىندى.
«بۇل قاراجات ءوڭىردىڭ الەۋمەتتىك قاجەتتىلىكتەرىنە، ينجەنەرلىك ينفراقۇرىلىمدى دامىتۋعا، اگروونەركاسىپ كەشەنىن قولداۋعا جانە باسقا دا ينفراقۇرىلىمدىق جوبالارعا باعىتتالعان. ساپالى ناتيجەلەرگە قول جەتكىزۋ ءۇشىن ولاردىڭ ماقساتىنا ساي پايدالانىلۋىن جانە ءتيىمدى يگەرىلۋىن قامتاماسىز ەتۋ قاجەت»، - دەدى ءاليحان سمايىلوۆ.
ۇكىمەت باسشىسىنىڭ ايتۋىنشا، تاعى ءبىر وزەكتى ماسەلە - ءوڭىر ەكونوميكاسىن ءارتاراپتاندىرۋ. وسى ماقساتتا بيىل جەكە ينۆەستيتسيالار ەسەبىنەن 44 ميلليارد تەڭگەگە جۋىق سوماعا 66 جوبانى اياقتاۋ جوسپارلانىپ وتىر. ودان بولەك، 1,7 تريلليون تەڭگەدەن استام سوماعا تاعى 48 جوبا جوبالاۋ ساتىسىندا تۇر.
كەڭەستى قورىتىندىلاي كەلە، پرەمەر-مينيستر يندۋستريا جانە ينفراقۇرىلىمدىق دامۋ، قارجى، ۇلتتىق ەكونوميكا مينيسترلىكتەرىنە وبلىس اكىمدىگىمەن بىرلەسىپ ەرتىس وزەنى ارقىلى وتەتىن اۆتوموبيل كوپىرىن سالۋعا، «لەنين - ەرتىس - رۋسسكايا پوليانا» جانە «1-ماەس - باسقامىس - رازۋموۆكا» جولدارىن رەكونسترۋكتسيالاۋعا، سۋمەن جابدىقتاۋ وبەكتىلەرىن سالۋعا جانە جىلۋمەن جابدىقتاۋ جەلىلەرىن جاڭارتۋعا قاراجات ءبولۋ مۇمكىندىگىن قاراستىرۋدى تاپسىردى.
سونىمەن قاتار اكىمدىككە ەكىباستۇزدىڭ جىلۋ ەنەرگەتيكالىق ورتالىعىنا تەحنيكالىق اۋديت جۇرگىزۋ جانە ونىڭ ءتيىمدى جۇمىسىن قامتاماسىز ەتۋ بويىنشا ناقتى ۇسىنىستار ەنگىزۋ، سونداي-اق «قازاۆتوجول» كومپانياسىمەن بىرلەسىپ جىل سوڭىنا دەيىن نورماتيۆتىك جاي-كۇيدەگى جولداردىڭ ۇلەسىن رەسپۋبليكالىق جەلى بويىنشا %97 دەيىن جانە جەرگىلىكتى جەلى بويىنشا %93 دەيىن ارتتىرۋ تاپسىرىلدى.
اۋىل شارۋاشىلىعى مينيسترلىگىنە مۇددەلى مەملەكەتتىك ورگاندارمەن جانە اكىمدىكپەن بىرلەسىپ ءوڭىردىڭ سۋارمالى ۋچاسكەلەرىنە ينجەنەرلىك-كوممۋنيكاتسيالىق ينفراقۇرىلىم جۇرگىزۋ جوبالارىنا، ال دەنساۋلىق ساقتاۋ، قارجى، ۇلتتىق ەكونوميكا مينيسترلىكتەرىنە اكىمدىكپەن بىرلەسىپ پاۆلودارداعى 1№ كوپبەيىندى اۋرۋحانانى رەكونسترۋكتسيالاۋعا قاراجات ءبولۋ مۇمكىندىگىن قاراۋ تاپسىرىلدى.
سونىمەن قاتار پرەمەر-مينيستر ەكولوگيا، گەولوگيا جانە تابيعي رەسۋرستار مينيسترلىگىنە كاسىپورىنداردىڭ كەشەندى ەكولوگيالىق شەشىمدەرگە جەدەل كوشۋ ماسەلەلەرىن قاراۋدى، ال وقۋ-اعارتۋ مينيسترلىگى اكىمدىكپەن بىرلەسىپ، ءۇش اۋىسىممەن وقىتاتىن مەكتەپتەر، وقۋشى ورىندارى مەن مەكتەپكە دەيىنگى ءبىلىم بەرۋ مەكەمەلەرىندەگى ورىن جەتىسپەۋشىلىگى پروبلەمالارىن شەشۋ ءۇشىن شارالار قابىلداپ، سونداي-اق جاڭا وقۋ جىلىنىڭ باستالۋىنا ساپالى دايىندىق جۇرگىزۋدى جۇكتەدى.