جانكەنت قالاسىنىڭ قاي عاسىردا قالانعانى جونىندە جاڭا مالىمەتتەر بەلگىلى بولدى

قىزىلوردا. قازاقپارات - قىزىلوردا وبلىسىندا ورنالاسقان جانكەنت شاھارىنىڭ ىرگەسى قاي عاسىردا قالانعانى جونىندە جاڭا مالىمەتتەر بەلگىلى بولدى، دەپ حابارلايدى قازاقپارات ءتىلشىسى.

قىزىلوردا وبلىسىنداعى ورتاعاسىرلىق جانكەنت قالاسىنىڭ ورنىندا ارحەولوگيالىق قازبا جۇمىستارى بيىل دا جالعاستى. زەرتتەۋشىلەر جاراتىلىستانۋ عىلىمدارى ادىستەرىن قولدانىپ، جانكەنتتىڭ ابسوليۋتتىك جاسىن انىقتادى. بۇعان دەيىنگى دەرەكتەردە كونە قالانىڭ IX - Ⅺ عاسىرلاردا بوي كوتەرگەنى ايتىلعان ەدى. ەندى جاڭا زەرتتەۋلەر شاھاردىڭ ىرگەتاسى Ⅶ عاسىردا قالانعانىن كورسەتتى.

«ەسكەرتكىش بۇگىندە ءتورت جەردەن قازىلىپ، ارحەولوگتار زاماناۋي يننوۆاتسيالىق قۇرال- جابدىقتار كومەگىمەن زەرتتەۋ جۇمىستارىن جۇرگىزىپ جاتىر. تابىلعان جادىگەرلەر ارحەولوگيالىق زەرتتەۋلەر زەرتحاناسىندا وڭدەلىپ، وبلىستىق تاريحي- ولكەتانۋ مۇراجايىنا بەرىلەدى. جوبانىڭ عىلىمي جەتەكشىلەرى - ارحەولوگيا عىلىمدارىنىڭ دوكتورى، پروفەسسور گەنريح حاركە، تاريح عىلىمدارىنىڭ كانديداتى ءازىلحان تاجەكەيەۆ جانە تاريح عىلىمدارىنىڭ كانديداتى، پروفەسسور يرينا ارجانتسيەۆا»، - دەپ ءمالىم ەتتى قورقىت اتا اتىنداعى قىزىلوردا ۋنيۆەرسيتەتىنەن.

زەرتتەۋ جۇمىستارىنا تيۋبينگەن ۋنيۆەرسيتەتىنىڭ، رەسەيدىڭ جوعارى ەكونوميكا مەكتەبىنىڭ، ماسكەۋ مەملەكەتتىك ۋنيۆەرسيتەتىنىڭ جانە قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتتەرى مەن 35 عالىم قاتىسىپ جاتىر.

ەسكە سالساق، بۇدان بۇرىن اتىراۋدا وتىراردان تابىلعان قۇندى جادىگەرلەر كورمەسى وتكىزىلدى.