قالا ورتالىعىندا كولىگىن تەرىس قاراتىپ جۇرگەن شىمكەنتتىك اكىمشىلىك جاۋاپكەرشىلىككە تارتىلدى - ۆيدەو

شىمكەنت. قازاقپارات - تۇنگى مەزگىلدە كولىگىن تەرىس قاراتىپ ايداپ جۇرگەن شىمكەنتتىككە اكىمشىلىك حاتتاما تولتىرىلدى. ال، كولىگى ايىپ تۇراعىنا قويىلدى، دەپ حابارلايدى قازاقپارات ءتىلشىسى.

وقيعا تۇنگى ساعات 01:20 شاماسىندا د. قونايەۆ داڭعىلىنىڭ بويىندا بولعان. Lada 21140 ماركالى كولىك قۇرالىنىڭ جۇرگىزۋشىسى كولىگىن ارتقى جۇرىسپەن باسقارىپ، وزگە كولىك قۇرالدارىنىڭ قوزعالىسىنا قاساقانا كەدەرگى كەلتىرگەن.

«جول ەرەجەسىن ورەسكەل بۇزعان كولىك جۇرگىزۋشىسى شىمكەنت قالاسىنىڭ 20 جاستاعى تۇرعىنى ەكەنى انىقتالدى. اتالعان جايت ا ق ب ت ك- ءنىڭ 614-بابىنىڭ 1-بولىگى، ا ق ب ت ك- ءنىڭ 606-بابىنىڭ 1-بولىگى، ا ق ب ت ك-نىڭ 595-بابىنىڭ 2-بولىگى جانە ا ق ب ت ك- ءنىڭ 613-بابىنىڭ 1-بولىگى بويىنشا تىركەلىپ، اكىمشىلىك حاتتامالار تولتىرىلدى» - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.