جەڭىلدەتىلگەن نەسيە باعدارلاماسىمەن قانشا قازاقستاندىق اۆتوكولىك الدى
بۇل تۋرالى قازاقپارات ءتىشىسىنىڭ ساۋالىنا جاۋاپ بەرەگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى ءمالىم ەتتى.
«16-تامىزداعى دەرەك بويىنشا، قازاقستاندىقتاردان 31486 ءوتىنىش ءتۇستى. ونىڭ ىشىندە جالپى سوماسى 95278 ميلليارد تەڭگە بولاتىن 12454 ءوتىنىش ماقۇلداندى. ال بۇگىنگى تاڭدا جەڭىلدەتىلگەن اۆتونەسيە باعدارلاماسى ارقىلى 9923 ازامات كولىك كىلتىن قولىنا الدى»، - دەپ جاۋاپ بەردى باسپا ءسوز قىزمەتى ءتىلشى ساۋالىنا وراي.
مينيسترلىك مالىمەتىنشە، جەڭىلدەتىلگەن ليزينگپەن بەرىلەتىن اۋىل شارۋاشىلىعى تەحنيكاسىن الۋعا 14,6 ميلليارد تەڭگەگە 231 ءوتىنىش تۇسكەن. دەگەنمەن، بۇل باعدارلاما بويىنشا ازىرگە ماقۇلدانعان جانە تابىستالعان تەحنيكا جوق.
ەسكە سالايىق، 1-تامىزدان اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسى باستالعان بولاتىن.
سونىمەن قاتار، پرەمەر-ءمينيستردىڭ ءبىرىنشى ورىنباسارى رومان سكليار بۇعان دەيىن اۆتوكولىككە جەڭىلدەتىلگەن نەسيە باعدارلاماسى تامىزدا قايتا قارجىلاندىرىلاتىنىن ايتقان ەدى.