قانت ءبىر جىلدا قانشا پايىزعا قىمباتتاعانى بەلگىلى بولدى
Energyprom.kz پورتالىنىڭ مالىمەتىنشە، ءوندىرىستىڭ ەڭ ۇلكەن كولەمى ءداستۇرلى تۇردە جامبىل وبلىسىنا تيەسىلى. ءوڭىر 96 مىڭ توننا قانت شىعارىپ، ءوندىرىس كولەمىن، وتكەن جىلعا قاراعاندا 16,4 پايىزعا ۇلعايتقان. وبلىستىڭ رەسپۋبليكاداعى ۇلەسى بىلتىرعى 60,3 پايىزدان 64,3 پايىزعا ءوستى.
وسى جىلدىڭ قاڭتار- مامىر ايلارىنىڭ قورىتىندىسىندا جەرگىلىكتى كومپانيالار قانتقا سۇرانىستى قاناعاتتاندىرۋدى (ىشكى نارىقتاعى ساتۋدى جانە ەكسپورتتى) ءبىر جىل بۇرىنعى 48 پايىزدان 57,1 پايىزعا دەيىن جەتكىزدى. يمپورت ۇلەسى 52 پايىزدان 42,9 پايىزعا دەيىن تومەندەدى. ەلگە 63,5 مىڭ توننا قانت اكەلىندى. كورسەتكىش وتكەن جىلعىدان 38,9 پايىزعا از. ىشكى نارىقتاعى ساتۋ كولەمى 25,6 پايىزعا، ياعني 147,7 مىڭ تونناعا دەيىن تومەندەدى.
2022 -جىلدىڭ قاڭتار- ماۋسىم ايلارىندا ەلىمىزگە جالپى قۇنى 126,4 ميلليون دوللاردى قۇرايتىن 210,6 مىڭ توننا قامىس قانتى مەن قىزىلشا قانتى، سونداي- اق قاتتى كۇيدەگى حيميالىق تازا ساحاروزا يمپورتتالدى. ناقتى ماندە يمپورت كولەمى 11,3 پايىزعا ازايعانىمەن، اقشاعا شاققاندا كەرىسىنشە 15,3 پايىزعا كوبەيگەن.
قازاقستان ت م د ەلدەرىنەن 65,3 مىڭ توننا قانت پەن ساحاروزا يمپورتتادى. بۇل بىلتىرعىدان 45,7 پايىز كەم. يمپورتتىڭ نەگىزگى بولىگى رەسەيدەن كەلدى: 62,4 مىڭ توننا، كورسەتكىش بىلتىرعىدان 42,5 پايىز تومەندەدى.
ت م د- دان تىس ەلدەردەن قازاقستان 145,3 مىڭ توننا قانت يمپورتتادى. بۇل وتكەن جىلعىدان 23,9 پايىز كوپ. قانتتىڭ باسىم بولىگى، ياعني 107,7 مىڭ تونناسى برازيليادان جەتكىزىلدى.
بيىل شىلدەدە ەلدە قانتتىڭ كەلەسى ورتاشا ەسەپپەن 537 تەڭگە بولدى. بۇل ءبىر جىل بۇرىنعى كورسەتكىشتەن 86,6 پايىزعا قىمبات.
قانت باعاسىنىڭ قىمباتتاۋىن نەگىزىنەن جامبىل وبلىسىنىڭ تۇرعىندارى سەزىندى: باعا بىلتىرعىدان 2,2 ەسە ءوستى. ودان كەيىن الماتى قالاسى مەن قاراعاندى وبلىسىندا ايتارلىقتاي ءوستى. باعانىڭ ەڭ از ءوسۋى ەلوردادا بايقالدى: +58,3 پايىز.
ەلىمىزدىڭ ءىرى قالالارىنىڭ ىشىندە ەڭ قىمبات قانت الماتى (581 تەڭگە)، قونايەۆ (555 تەڭگە) جانە اتىراۋ (554 تەڭگە) قالالارىندا، ال تومەنگى باعا اقتوبەدە (449 تەڭگە) تىركەلدى.