13:25, 19 - تامىز 2022 | GMT +6
الەمدە كوروناۆيرۋس جۇقتىرۋ ازايدى، ءبىراق كەي ايماقتا ءولىم كوپ - د د ۇ
جەنەۆا. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ پاندەميا تۋرالى بايانداماسىنا سايكەس، الەم بويىنشا كوروناۆيرۋس جۇقتىرۋ تورتتەن بىرگە ازايدى، ءبىراق ازيانىڭ كەيبىر بولىكتەرىندە ءولىم- ءجىتىم كوبەيگەن، دەپ حابارلايدى قازاقپارات ءتىلشىسى ABC News باسىلىمىنا سىلتەمە جاساپ.
ب ۇ ۇ دەنساۋلىق ساقتاۋ اگەنتتىگى وتكەن اپتادا COVID-19 جۇقتىرۋدىڭ 5,4 ميلليون جاڭا جاعدايى تىركەلگەنىن حابارلادى. بۇل - الدىڭعى اپتاعا قاراعاندا % 24 عا از. كوروناۆيرۋسقا شالدىققاندار سانى الەم بويىنشا ازايدى، ونىڭ ىشىندە افريكا مەن ەۋروپادا شامامەن % 40 عا، تاياۋ شىعىستا ۇشتەن بىرگە قىسقارعان.
الايدا، تىنىق مۇحيتىنىڭ باتىس بولىگى مەن وڭتۇستىك- شىعىس ازيادا كوروناۆيرۋستان بولعان ءولىم جاعدايى % 31 جانە % 12 عا كوبەيگەن.
د د ۇ باس ديرەكتورى تەدروس ادحانوم گەبرەيەسۋس كوروناۆيرۋستان قايتىس بولعانداردىڭ سانى سوڭعى ايدا % 35 عا ارتقانىن، وتكەن اپتادا 15 مىڭ ادام كوز جۇمعانىن مالىمدەدى.
فوتو: abcnews.go.com