ەلوردادا ورتالىق ازيا ۆولونتەرلەر فورۋمى ءوتىپ جاتىر
« ءبىزدىڭ ەلدە ۆولونتەرلىك ءىس ماقساتتى جانە جۇيەلى نەگىزدە دامىپ كەلە جاتىر. مەملەكەت بۇل باعىتقا ءجىتى كوڭىل ءبولىپ كەلەدى. مەملەكەت باسشىسى قاسىم-جومارت توقايەۆ 2020 -جىلدى ۆولونتەرلەر جىلى دەپ جاريالادى. بۇل ەلىمىزدە ۆولونتەرلىكتىڭ دامۋىنا قۋاتتى سەرپىن بەردى. قازاقستان پرەزيدەنتىنىڭ ۆولونتەرلىكتى قولداۋ تۋرالى باستاماسى سول كەزدە باستالعان پاندەميانى ەسكەرە وتىرىپ، ۋاقتىلى قابىلدانعان ماڭىزدى شەشىم بولدى»، - دەدى ق ر پارلامەنتى سەناتىنىڭ ءتوراعاسى ماۋلەن اشىمبايەۆ فورۋمنىڭ اشىلۋ سالتاناتىندا.
سەنات باسشىسىنىڭ ايتۋىنشا، پاندەميا ءورشىپ تۇرعاندا ۆولونتەرلەر مەديتسينالىق قىزمەتكەرلەرمەن بىرگە كوروناۆيرۋسپەن كۇرەستە الدىڭعى قاتاردا ەڭبەك ەتتى.
«وسىندا وتىرعان كوپشىلىگىڭىز پاندەميا كەزىندە ماڭىزدى جۇمىسقا قاتىسقاندارىڭىزعا سەنىمدىمىن. ۆولونتەرلەر سول كەزەڭدە كومەككە مۇقتاج جاندارعا قول ۇشىن سوزىپ، اۋقىمدى جۇمىس اتقاردى. ايتار بولساق، دارىگەرلەر مەن مەديتسينا قىزمەتكەرلەرىنە ىستىق تاماق جەتكىزدى، وتباسىلار مەن حالىقتىڭ الەۋمەتتىك وسال توپتارىنا ازىق- تۇلىك پەن ءدارى- دارمەك جيناپ، جەتكىزدى. وسىعان بايلانىستى بارلىق ەرىكتىلەرگە پاندەميا كەزىندەگى باتىلدىق پەن قاجىرلى ەڭبەگى ءۇشىن تاعى دا العىس بىلدىرگىم كەلەدى»، - دەيدى ول.
ايتا كەتسەك، فورۋمعا قازاقستان، قىرعىزستان، وزبەكستان، تۇرىكمەنستان، تاجىكستان جانە ءازىربايجان، بەلارۋس جانە رەسەيدەن 600-گە جۋىق ۆولونتەر قاتىسىپ جاتىر.