10:26, 19 - تامىز 2022 | GMT +6
تالدىقورعاندا كوپقاباتتى ءۇيدىڭ تەرەزەسىنەن بالا قۇلاپ كەتتى
تالدىقورعان. قازاقپارات - تالدىقورعاندا كوپقاباتتى ءۇيدىڭ تەرەزەسىنەن بالا قۇلاپ كەتتى، دەپ حابارلايدى قازاقپارات.
اتالمىش فاكتى «قاراتال» شاعىن اۋدانىندا تىركەلدى. 18-تامىز كۇنى كەشكى ۋاقىتتا ەكى جاسار بالا ءۇشىنشى قاباتتىڭ تەرەزەسىنەن قۇلاپ كەتتى.
بەلگىلى بولعانداي، بالا ەرەسەكتەردىڭ قاراۋىنسىز قالعان. بالانىڭ اناسى ءبۇلدىرشىندى ءبىر ساتكە ۇلكەن بالالارىنا قالدىرىپ، ۇيدەن شىعىپ كەتكەن. قۋانىشقا وراي، بالا امان قالدى.
«شاقىرتۋ بويىنشا كەلگەن دارىگەرلەر زارداپ شەككەن بالانى وبلىستىق بالالار اۋرۋحاناسىنا جەتكىزدى. قازىر ونى تەكسەرۋدە. دارىگەرلەر بالاعا كومەك كورسەتۋدە. ونىڭ اناسى دا سوندا»، - دەدى جەتىسۋ وبلىستىق پ د ج پ ق ب باستىعىنىڭ ورىنباسارى قايسار مۇحمەتوۆ.