مايمىل شەشەگىنە قارسى ۆاكسيناعا سۇرانىس ارتتى
بۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ حابارلايدى.
«ۆاكسيناعا دەگەن سۇرانىس ينفەكتسيانى جۇقتىرۋشىلار سانىنىڭ ارتۋىنا بايلانىستى وسۋدە. دانياداعى وندىرىستىك الاڭىمىزدى جاڭعىرتقاننان كەيىن دە ءبىز ونى تولىق كولەمدە قاناعاتتاندىرا الاتىنىمىزعا سەنىم جوق»، - دەدى كومپانيا وكىلى.
قازىرگى ۋاقىتتا ءوسىپ كەلە جاتقان سۇرانىستى قاناعاتتاندىرۋ ءۇشىن دانيالىق كومپانيا ءوندىرىستىڭ ءبىر بولىگىن اۋتسورسينگكە بەرۋ مۇمكىندىگىن زەردەلەۋدە. ا ق ش-تا وندىرۋشىگە تەحنولوگيالاردى بەرۋ تۋرالى كەلىسىمشارت جاساسۋ مۇمكىندىگى قاراستىرىلۋدا.
Bavarian Nordic ازىرلەگەن پرەپارات ەۋروپادا Imvanex، ا ق ش-تا Jynneos جانە كانادادا Imvamune ماركاسىمەن ساتىلادى. ول شەشەككە قارسى ەگۋگە ماقۇلداندى، كەيىنىرەك مايمىل شەشەگىنە قارسى قولدانۋعا رۇقسات ەتىلدى.
مايمىل شەشەگى ۆيرۋسىنىڭ يتتەن ادامعا بەرىلۋ جاعدايلارى ءالى بايقالعان جوق، الايدا رەسەي فەدەراتسياسىنىڭ ۆيرۋسولوگىنىڭ پىكىرىنشە، مۇنداي مۇمكىندىك، اسىرەسە يممۋنيتەتى تومەن ناۋقاستارعا قاتىستى بولۋى مۇمكىن.
«يت ادامدارعا جۇقتىرۋى مۇمكىن بە؟ جوق، مۇنداي جاعدايلار ءالى بايقالعان جوق. ءبىراق تەوريالىق تۇرعىدان مۇنداي مۇمكىندىك ساقتالۋى ىقتيمال، اسىرەسە ەگەر ادامنىڭ يممۋنيتەتى السىرەگەن بولسا. مىسالى، ەگەر يەسى ايتۆ جۇقتىرعان يت مايمىل شەشەگىن جۇقتىرسا. ينفەكسيا ساۋ ادامداعى سياقتى ارەكەت ەتپەيتىنى تۇسىنىكتى، سوندىقتان بەلگىلى ءبىر ساقتىق شارالارىن ساقتاۋ ۇسىنىلادى»، - دەدى ول.
ەگەر ءۇي جانۋارىنىڭ يەسى ونىڭ مايمىل شەشەگىن جۇقتىرعان ناۋقاسپەن بايلانىستا بولعانىن بىلسە، جاقىن بايلانىستاردان اۋلاق بولعانى ءجون. سونداي-اق، جانۋارمەن بايلانىستا بولعاننان كەيىن قولىڭىزدى جۋۋ كەرەك.