ەۋرواۋماقتا ينفلياتسيا رەكوردتىق دەڭگەيگە جەتتى
بۇل تۋرالى مالىمەتتەردى بەيسەنبى كۇنى ەۋروپالىق ستاتيستيكا اگەنتتىگى - ەۋروستات تاراتتى، دەپ حابارلايدى قازاقپارات رەسەيلىك تاسس اگەنتتىگىنە سىلتەمە جاساپ.
وتكەن جىلدىڭ شىلدە ايىنان بەرى ەۋرواۋماقتاعى جىلدىق ينفلياتسيا كورسەتكىشى 2,16 پايىزدى قۇراعان. بۇل كورسەتكىش 3,5 ەسەدەن ارتىق ءوستى.
اگەنتتىكتىڭ حابارلاۋىنشا، ايلىق ەسەپپەن العاندا ينفلياتسيا ماۋسىمدا 0,8 پايىزعا كوتەرىلگەن سوڭ، شىلدەدى 0,1 پايىزعا ءوستى.
ەۋروستاتتىڭ ناقتىلاۋىنشا، ينفلياتسيا دەڭگەيىنىڭ جوعارى بولۋىنىڭ باستى سەبەبى ەنەرگيا تۇرلەرىنە دەگەن باعانىڭ ءوسۋى. بۇل كورسەتكىش جىلدىق وسىممەن العاندا وتكەن ايدا 42 پايىزعا وسكەننەن كەيىن 39,7 پايىزدى قۇرادى.
ازىق- تۇلىك، الكوگول مەن تەمەكى ونىمدەرىنىڭ قۇنى وتكەن جىلدىڭ مامىر ايىندا 8,9 پايىزكە وسسە، بيىلعى جىلدىڭ ماۋسىم ايىندا ول 9,8 پايىزكە ارتتى، ونەركاسىپ ونىمدەرىنىڭ ءوسىمى وتكەن جىلى 4,3 پايىز بولسا، بيىل 4,5 پايىزدى قۇرادى. كورسەتىلەتىن قىزمەتتەر قۇنى 3,4 پايىزدان 3,7 پايىزعا دەيىن ءوستى.
ينفلياتسيا ەۋرواۋماقتا وتكەن جىلدىڭ تامىز ايىندا، ياعني ەۋرووداقتا ەنەرگەتيكالىق داعدارىس باستالعان كەزدە قارقىن الدى.
سودان بەرى ينفلياتسيانى اۋىزدىقتاۋ مۇمكىن بولماي وتىر، ءوسىم اي سايىن ارتۋدا. 2021 -جىلدىڭ تامىزىندا ءوسىم 2,96 پايىزدى قۇراسا، 2022 -جىلدىڭ اقپان ايىندا ول 5,87 پايىزعا جەتتى. ال رەسەيمەن سانكتسيالىق سوعىستان كەيىن، ياعني ناۋرىز ايىنان كەيىن 7,44 پايىز دەڭگەيىنە جەتتى. سوعان قاراماستان ەۋروپا ورتالىق بانكى ەۋرواۋماقتاعى ينفلياتسيانىڭ دەڭگەيى جىلىنا 2 پايىز بولادى دەگەن بولجام جاساپ وتىر.