الماتىدا مەملەكەتتىك كىرىستەر دەپارتامەنتىنىڭ باس مامانى پارامەن ۇستالدى

الماتى. قازاقپارات - الماتى قالاسى مەملەكەتتىك كىرىستەر دەپارتامەنتىنىڭ تۇركسىب اۋدانى بويىنشا كىرىستەر باسقارماسىنىڭ باس مامانى پارامەن ۇستالدى.

بۇل تۋرالى قازاقپارات سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ حابارلايدى.

ۆەدومستۆونىڭ مالىمەتىنە سايكەس، الماتى قالاسىنىڭ تۇركسىب اۋداندىق سوتىنىڭ ۇكىمىمەن الماتى قالاسى مەملەكەتتىك كىرىستەر دەپارتامەنتىنىڭ تۇركسىب اۋدانى بويىنشا كىرىستەر باسقارماسىنىڭ باس مامانى ن. قارابالايەۆ پارا الۋدا كوزدەلگەن قىلمىستى جاساعانى ءۇشىن كىنالى دەپ تانىلدى.

باس مامان جەكە كاسىپكەر (1- توپتاعى مۇگەدەك) مەن «ز» قوعامىنىڭ باسشىسىنان ج ك شوتىنان ارەستتى الىپ تاستاۋمەن ارنايى سالىق رەجيمىن قالدىرعانى ءۇشىن 260 مىڭ تەڭگە سوماسىندا پارا العان.

«ن. قارابالايەۆقا مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 7,8 ميلليون تەڭگە كولەمىندە ايىپپۇل سالىندى»، - دەدى دەپارتامەنت.

ەسكە سالايىق، بۇعان دەيىن قوستاناي وبلىستىق سوتىنىڭ سۋدياسى ءىرى كولەمدە پارا الۋ كەزىندە ۇستالعانىن حابارلاعانبىز.