ەكى وتتىڭ ورتاسىندا قالعان اتوم ەلەكتر ستانتسياسىنا نە بولماق؟
مۇندا ۋكراينا كەمەجايلارىندا جينالىپ قالعان استىقتى ەكسپورتتاۋ بويىنشا قاۋىپسىز ءدالىز قۇرۋ تۋرالى كەلىسىمگە قول قويىلدى. وعان ب ۇ ۇ- نىڭ باس حاتشىسى مەن تۇركيا پرەزيدەنى ۇيىتقى بولعان. ءسويتىپ قارۋلى قاقتىعىس سالدارىنان ۇزاق ۋاقىت بويى ۋكراينا كەمەجايلارىندا ەكسپورتتالماي تۇرعىن استىق وزگە ەلدەرگە تاسىمالدانا باستادى. ۇيلەستىرۋ ورتالىعى اشىلعالى ۋكراينا پورتتارىنان ازىق- تۇلىك تيەلگەن 24 جۇك كەمەسى جولعا شىعىپتى.
دەنيز براۋن، ۋكرايناداعى گۋمانيتارلىق ءىس- قيمىلداردىڭ ۇيلەستىرۋشىسى:
- ودەسساداعى 3 كەمەجاي دا بلەك سي گرەين باستاماسىنا قوسىلدى. بۇل اسا ماڭىزدى قادام. ۋكراينادان وزگە ەلدەرگە ەكسپورتتالىپ جاتقان استىقتىڭ ارقاسىندا ازىق- تۇلىككە مۇقتاج جاندارعا كومەك كورسەتە الامىز.
ب ۇ ۇ- نىڭ باس حاتشىسى ۋكرايناعا ساپارى بارىسىندا زاپوروجەدەگى اتوم ەلەكتر ستانتسياسى توڭىرەگىندەگى احۋالدى دا تالقىلاۋعا نيەتتى. بۇل ماسەلە قازىر كوپشلىكتى الاڭداتىپ وتىر. نىسان ناۋرىزدا رەسەي اسكەرىنىڭ باقىلاۋىنا وتكەن. كەيىنگى ۋاقىتتا ستانتسيا توڭىرەگىندە جارىلىستار كوپ. بۇعان كيەۆ پەن ماسكەۋ ءبىرىن ءبىرى ايىپتاپ كەلەدى.
ۆلاديمير زەلەنسكي، ۋكراينا پرەزيدەنتى:
- رەسەي اسكەرى اتوم ەلەكتر ستانتسياسى مەن ونىڭ توڭىرەگىندەگى اۋماقتان كەتىپ، بۇل جەردەن اسكەري تەحنيكاسىن الىپ شىعۋى ءتيىس. بۇل شۇعىل، ياعني قىسقا ۋاقىت ىشىندە جاسالۋ كەرەك. سوندا ۋكراينا جاعى اتوم ەنەرگياسى جونىندەگى حالىقارالىق اگەنتتىك ماماندارىنىڭ ستانتسياعا ءوتۋىن قامتاماسىز ەتەدى، ءبىزدىڭ ديپلوماتتار مەن اتوم ەنەرگياسى جونىندەگى ماماندارىمىز ماگاتە وكىلدەرىمەن تىعىز بايلانىستا جۇمىس ىستەپ جاتىر.
www.24.kz