توكيو وليمپياداسىنا قاتىستى داۋ شىقتى
18 تامىز 20:11

توكيو وليمپياداسىنا قاتىستى داۋ شىقتى

نۇر-سۇلتان. قازاقپارات – 2020-جىلعى توكيو وليمپياداسى ۇيىمداستىرۋ كوميتەتىنىڭ باسشىسى حاريۋكي تاكاحاسي پارا الدى دەگەن كۇدىكپەن قاماۋعا الىندى، دەپ حابارلايدى Lenta.ru.

78 جاستاعى فۋنكتسيونەر ەرلەر كوستيۋمىن ساتۋمەن اينالىساتىن جەرگىلىكتى AOKI Holdings كيىم وندىرۋشىسىنەن ءىرى كولەمدە پارا الدى دەگەن كۇدىككە ىلىنگەنى حابارلاندى. ناتيجەسىندە كومپانيا ويىنداردى ۇيىمداستىرۋشىلاردان ءىرى دەمەۋشىلىك كەلىسىمشارتقا قول جەتكىزگەن.

تاكاحاسي ويىندار باستالماي تۇرىپ وتستاۆكاعا كەتكەن ەسيرو موريدىڭ ورنىنا كەلگەن ەدى. موري ءوزىنىڭ سەكسيستىك مالىمدەمەلەرىمەن كەيىن جانجال بولىپ، وليمپيادا ۇيىمداستىرۋ كوميتەتىنىڭ باسشىسى قىزمەتىنەن كەتكەن.

وليمپيادا ويىندارى كوروناۆيرۋس پاندەمياسى كەزىندە جاعداي ۋشىعۋىنا بايلانىستى 2021-جىلدىڭ جازىنا اۋىستىرىلعان ەدى. تاكاحاسي سونىڭ سالدارىنان ۇيىمداستىرۋشىلار قارجىلىق شىعىنعا ۇشىراعانىن ايتقان ەدى.

جارىستار 23- شىلدە مەن 8- تامىز ارالىعىندا ءوتتى.


جاڭالىقتار