ەۋرووداق رەسەيلىكتەرگە ۆيزا بەرۋدى قىسقارتۋ مۇمكىندىگىن تالقىلاماق
«ە و- نىڭ بارلىق ەلى رەسەي ازاماتتارىنا بەرەتىن شەنگەن ۆيزالارى سانىن ايتارلىقتاي قىسقارتۋ مۇمكىندىگى ماسەلەسىن ءبىرقاتار مەملەكەت، اتاپ ايتقاندا ەستونيا مەن فينليانديا ە و سىرتقى ىستەر مينيسترلەرىنىڭ الداعى بەيرەسمي كەزدەسۋىندە كوتەرەدى. شەنگەندىك ۆيزالاردى ۇلتتىق نەگىزدە بەرۋدى تولىعىمەن توقتاتۋعا مۇمكىندىك بەرمەيتىن شەنگەن كودەكسىن وزگەرتۋ، ە و ەلدەرىنىڭ قازىرگى ۇلتتىق قۇزىرەتتەرى اياسىنداعى ىقتيمال كەلىسىلگەن ارەكەتتەرى ماسەلەسىن دە تالقىلايتىن بولامىز»، - دەپ ءتۇسىندىردى بريۋسسەلدەگى ديپلوماتيالىق كورپۋس وكىلى.
ديپلومات سونىمەن قاتار شەنگەن كودەكسىن قايتا قاراۋ ۇزاق زاڭدى پروتسەسس ەكەنىن، نەگىزگى ۆيزالىق وكىلەتتىكتەر بريۋسسەلدىڭ ەمەس، مۇشە ەلدەردىڭ قولىندا بولعاندىقتان، ول ناتيجەگە كەپىلدىك بەرمەيتىنىن ءتۇسىندىردى. سوندىقتان ە و ەلدەرى رەسەيگە قارسى ۆيزالىق شەكتەۋلەردى ەڭ الدىمەن قوسىمشا مەملەكەتارالىق كەلىسىمدەر دەڭگەيىندە ەنگىزەدى.