ۇلى بريتانيا پاتشايىمىن ولتىرمەك بولعان ادام پسيحياتريالىق اۋرۋحانادا جاتىر
18 تامىز 19:10

ۇلى بريتانيا پاتشايىمىن ولتىرمەك بولعان ادام پسيحياتريالىق اۋرۋحانادا جاتىر

نۇر-سۇلتان. قازاقپارات – ۇلى بريتانيا پروكۋراتۋراسى ۆيندزور قامالىنىڭ اۋماعىندا ەر ادامنىڭ پاتشايىمدى ولتىرمەك بولعانىن مالىمدەدى، دەپ حابارلايدى قازاقپارات ABC News-كە سىلتەمە جاساپ.

20 جاستاعى دجاسۆانت سينگح چايل مەملەكەتكە وپاسىزدىق جاساۋ تۋرالى زاڭ بويىنشا «مارتەبەلى پاتشايىم ەليزاۆەتا II- ءنىڭ جەكە باسىنا زيان كەلتىرۋ نەمەسە ونى الاڭداتۋعا» ارەكەتتەنۋ بويىنشا ايىپتالىپ وتىر. وعان سونداي-اق ولتىرەمىن دەپ قورقىتقانى جانە قارۋ ساقتاعانى ءۇشىن ايىپ تاعىلدى. چايل 2021-جىلعى روجدەستۆو كۇنىندە لوندوننىڭ باتىسىنداعى كورولدىك رەزيدەنتسيادا قاماۋعا الىندى. پاتشايىم سول كەزدە رەزيدەنتسيادا قوناقتا بولعان. چايل ۇستالعان كەزدە پوليتسياعا «مەن پاتشايىمدى ءولتىرۋ ءۇشىن كەلدىم» دەپ ايتقان.

پروكۋرورلار ساۋتگەمپتون سۋپەرماركەتىنىڭ بۇرىنعى قىزمەتكەرى كاپيۋشون مەن بەتپەردە كيىپ، وزىمەن بىرگە اربالەت الىپ جۇرگەنىن مالىمدەدى.

چايل سوت تىڭداۋىنا برودمۋرداعى جوعارى قاۋىپتىلىگى جوعارى پسيحياتريالىق اۋرۋحاناسىنان قاشىقتان قاتىستى.

ول 14- قىركۇيەكتە وتەتىن كەلەسى سوت وتىرىسىنا دەيىن قاماۋدا بولادى.

جاڭالىقتار