ق ر پرەزيدەنتى «شيەۆرون» كومپانياسىنىڭ باسشىسىن قابىلدادى
18 تامىز 18:40

ق ر پرەزيدەنتى «شيەۆرون» كومپانياسىنىڭ باسشىسىن قابىلدادى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ «شيەۆرون» كومپانياسىنىڭ ديرەكتورلار كەڭەسىنىڭ ءتوراعاسى جانە باس اتقارۋشى ديرەكتورى مايكل ۋيرتتى قابىلدادى، دەپ حابارلايدى اقوردا.

كەزدەسۋدە «شيەۆرون» كومپانياسىنىڭ قازاقستانمەن الداعى ۋاقىتتاعى ءوزارا ءىس-ارەكەتىنىڭ نەگىزگى اسپەكتىلەرى جانە ءبىرقاتار ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى.

مەملەكەت باسشىسى مەن مايكل ۋيرت الەمدىك ەنەرگەتيكا نارىعىنداعى جاعداي تۋرالى پىكىر الماستى. پرەزيدەنت «تەڭىزشيەۆرويل» كومپانياسىنىڭ قوسىمشا 2,6 ميلليارد تەكشە مەتر گازدى ىشكى نارىققا باعىتتاۋ تۋرالى شەشىمىن قۇپتادى.

سونداي-اق «شيەۆرون» كومپانياسىنىڭ مۇناي-حيميا سالاسىنداعى ينۆەستيتسيالىق جوبالاردى جۇزەگە اسىرۋعا قاتىسۋ پەرسپەكتيۆالارى مەن قاراشىعاناق كەن ورنىنىڭ ءوندىرىس قۋاتىن ودان ءارى كەڭەيتۋدىڭ جوسپارى قاراستىرىلدى.

جاڭالىقتار