تامىزدا قازاقستاندىقتار قانشا كۇن دەمالادى
18 تامىز 18:13

تامىزدا قازاقستاندىقتار قانشا كۇن دەمالادى

نۇر-سۇلتان. قازاقپارات - تامىزدا دەمالىس كۇنى دۇيسەنبىگە اۋىستىرىلادى، دەپ حابارلايدى قازاقپارات ءتىلشىسى.

وسى ايدىڭ 30- تامىزى ەلىمىزدىڭ نەگىزگى مەملەكەتتىك مەرەكەلەرىنىڭ ءبىرى - كونستيتۋتسيا كۇنى اتالىپ وتىلەدى. قازاقستان رەسپۋبليكاسىنداعى مەرەكە كۇندەرى جۇمىس ىستەمەيتىن كۇندەر بولىپ تابىلادى.

ال بيىل كونستيتۋتسيا كۇنى سەيسەنبى كۇنىنە تۋرا كەلەدى. وسىعان وراي وتكەن جىلدىڭ سوڭىندا ۇكىمەت باسشىسىنىڭ ارناۋلى قاۋلىسى شىققان بولاتىن. وندا دەمالىس كۇنى 2022-جىلعى 27- تامىزداعى سەنبىدەن 2022-جىلعى 29- تامىزداعى دۇيسەنبىگە اۋىستىرۋعا قاۋلى ەتىلگەن ەدى.

دەمەك، اپتاسىنا بەس كۇن جۇمىس ىستەيتىن قازاقستاندىقتار 28، 29، 30- تامىز (جەكسەنبى، دۇيسەنبى، سەيسەنبى)، ال التى كۇن جۇمىس ىستەيتىن قازاقستاندىقتار 28، 30- تامىز (جەكسەنبى، سەيسەنبى) كۇندەرى دەمالىستا بولادى.

جالپى بەس كۇندىك جۇمىس اپتاسىنا كوشكەن قازاقستاندىقتار تامىز ايىندا 9 كۇن دەمالادى.

جاڭالىقتار