قاسىم-جومارت توقايەۆ رەسەيگە جانە ازەربايجانعا بارادى
19- تامىز كۇنى پرەزيدەنت قاسىم-جومارت توقايەۆ سوچي قالاسىنا (رەسەي فەدەراتسياسى) جۇمىس ساپارىمەن بارادى. ساپار بارىسىندا قازاقستان مەن رەسەي باسشىلارى كەزدەسىپ، ەكى ەلدىڭ ستراتەگيالىق سەرىكتەستىگىنىڭ وزەكتى ماسەلەلەرىن، سونىڭ ىشىندە ساۋدا-ەكونوميكالىق ىنتىماقتاستىعىن ودان ءارى دامىتۋ تاقىرىبىن تالقىلايدى.
24- تامىز كۇنى مەملەكەت باسشىسى ازەربايجان رەسپۋبليكاسىنىڭ پرەزيدەنتى يلحام اليەۆتىڭ شاقىرۋىمەن باكۋ قالاسىنا رەسمي ساپارمەن بارادى. ازەربايجان استاناسىندا ەكى ەل باسشىلارىنىڭ شاعىن جانە كەڭەيتىلگەن قۇرامداعى كەزدەسۋلەرى جوسپارلانىپ وتىر. كەلىسسوز بارىسىندا ساۋدا-ەكونوميكالىق، كولىك-لوگيستيكالىق، ينۆەستيتسيالىق، مادەني-گۋمانيتارلىق ىنتىماقتاستىقتى ودان ءارى نىعايتۋعا باسا ءمان بەرىلە وتىرىپ، قازاق-ازەربايجان ستراتەگيالىق سەرىكتەستىگىن دامىتۋ ماسەلەلەرى قاراستىرىلادى.
سونىمەن قاتار ەكىجاقتى ءبىرقاتار قۇجاتقا قول قويىلادى.