ءبىلىم بەرۋ ۇيىمدارىن اتتەستاتسيالاۋ وزگەرەدى
18 تامىز 15:24

ءبىلىم بەرۋ ۇيىمدارىن اتتەستاتسيالاۋ وزگەرەدى

نۇر-سۇلتان. قازاقپارات – ق ر وقۋ-اعارتۋ ءمينيسترى اسحات ايماعامبەتوۆ ارىپتەستەرىنەن بالاباقشالاردى اتتەستاتسيالاۋعا قاتىستى قۇجاتتاردى قابىلداۋدى ءوتىندى، دەپ حابارلايدى قازاقپارات ءتىلشىسى.

«بىزدەگى مەملەكەتتىك اتتەستاتسيا جالپى وزگەرەدى. ونىڭ ىشىندە قازىر بالاباقشالاردىڭ مەملەكەتتىك اتتەستاتسياسى ماسەلەسىن دە وزگەرتىپ جاتىرمىز. بۇگىن سەكسيالىق وتىرىستار بارىسىندا وسى قازىرگى ۋاقىتتا ناقتى ايىندالعان قۇجاتتاردى قابىلداۋلارىڭىزدى سۇرايمىن. ونى ءبىز بالاباقشالاردىڭ وزدەرىمەن كەلىسۋىمىز كەرەك. بىزگە كەرەگى، اتتەستاتسيادان وتكىزگەن كەزدە تەك قانا ۇستىنەن ءجۇرىپ وتپەي، جالپى قاجەتتى كريتەرييلەردى كورىپ، قاجەتتى ساۋال جۇرگىزۋ»، - دەدى اسحات ايماعامبەتوۆ.

ايتا كەتەيىك، بۇگىن نۇر-سۇلتان قالاسىندا ى. التىنسارين اتىنداعى ۇلتتىق ءبىلىم اكادەمياسىندا تامىز كونفەرەنتسياسى اياسىندا «ءبىلىم ساپاسىن قامتاماسىز ەتۋدىڭ ۇلتتىق جۇيەسى» تاقىرىبىندا پانەلدىك سەسسيانىڭ جالپى وتىرىسى ءوتىپ جاتىر.


جاڭالىقتار