مينيسترلەر مەن اكىمدەر ىڭعايسىز سۇراقتان جالتارماۋى كەرەك - ساياساتتانۋشى
18 تامىز 14:38

مينيسترلەر مەن اكىمدەر ىڭعايسىز سۇراقتان جالتارماۋى كەرەك - ساياساتتانۋشى

نۇر-سۇلتان. قازاقپارات - مينيسترلەر مەن اكىمدەردىڭ اشىق سۇراققا اشىق جاۋاپ بەرۋى قالىپتى جاعدايعا اينالۋى كەرەك.

ساياسات تانۋشى دانيار اشىمبايەۆ الەۋمەتتىك جەلىدە بىرنەشە ءمينيستردىڭ ب ا ق وكىلدەرىنە بەرگەن جاۋاپتارىنان كەيىن تۋىنداعان پىكىرتالاس بويىنشا وسىنداي پايىم ايتتى، دەپ حابارلايدى قازاقپارات ءتىلشىسى.

«كەيبىر ب ا ق پەن بلوگەرلەر كەيبىر مينيسترلەر مەن اكىمدەردىڭ جۋرناليستەرگە بەرگەن جاۋابىن كەكەسىنگە اينالدىرىپ جاتىر. حالىقتىڭ ءبىر بولىگىنە قانت تۋرالى (سۇلتانوۆ، جۇمانعارين)، مەكتەپ فورماسى تۋرالى (ايماعامبەتوۆ)، جارىقتان اجىراتۋ فاكتىسى تۋرالى (دوسايەۆ) سۇراقتارعا بەرىلگەن جاۋاپ ۇناماعان. بۇل جەردە بارشاعا ۇنايتىن ءمىنسىز جاۋاپ جوق ەكەنىن ەسكەرۋ كەرەك. قويىلعان سۇراققا شىنايى جاۋاپ بەرىلگەن، ءتىپتى ايماعامبەتوۆ تۇبىرتەگىن دە كورسەتتى.

مەنىڭشە، بۇل - كادىمگىدەي قالىپتى جاعداي. مينيسترلەر مەن اكىمدەر شەنەۋنىكشە جۇمىسى، جەكە باسى تۋرالى قولايسىز سۇراقتاردان جالتارماۋى كەرەك. ونداي شەنەۋنىكتەر بىزدە جەتىپ ارتىلادى. مينيستر، اكىم، پرەزيدەنت اكىمشىلىگىنىڭ باسقارۋشى قىزمەتكەرى، مەملەكەتتىك حولدينگ باسشىسى ساياساتكەر بولعاندىقتان ادامدارمەن قاشقاقتاماي سويلەسۋى كەرەك»، - دەپ جازدى ساياساتتانۋشى تەلەگرام ارناسىندا.

سونداي-اق، ول پرەزيدەنت جارلىعىمەن مينيستر، اكىمدەردىڭ حالىقپەن كەزدەسۋلەرىنىڭ فورماتى وزگەرتىلگەنىن ەسكە سالادى.

«مينيسترلەر مەن اكىمدەردىڭ حالىقپەن كەزدەسۋى 75 پايىز ديالوگ تۇرىندە ءوتۋى كەرەكتىگى ەرەجەمەن بەكىتىلگەن. مونولوگقا اينالماۋى كەرەك جانە كوشپەلى بولۋى شارت. ەشتەڭە كۇيرەپ قالعان جوق. مينيسترلەر، اكىمدەر حالىقتىڭ ورتاسىنا ەمىن- ەركىن بارىپ، سويلەسىپ ءجۇر. باسشىلار ول شارالاردان پيار جاساپ جاتقان جوق. مۇنى باق تا، حالىق تا جىلى قاباقپەن قابىلدادى. مۇنداي جۇيەنى پرەزيدەنت اكىمشىلىگى ايتارلىقتاي قاتاڭ قاداعالاپ وتىرعانىن ايتۋ كەرەك»، - دەپ جازدى دانيار اشىمبايەۆ.

اۆتور ەسىمجان ناقتىباي

جاڭالىقتار