قىتايدا وقيتىن قازاقستاندىقتارعا ۆيزا بەرۋدى قايتا باستاۋدى تەزدەتۋ ۇسىنىلدى

نۇر-سۇلتان. قازاقپارات - ۆيزا بەرۋدى قايتا باستاۋدى تەزدەتۋ باستاماسى قازاقستان مەن قىتاي اراسىنداعى كەزەكتى كونسۋلدىق كونسۋلتاتسيالار بارىسىندا كوتەرىلدى، دەپ حابارلايدى قازاقپارات ق ر سىرتقى ىستەر مينيسترلىگىنە سىلتەمە جاساپ.

«بەينەكونفەرەنتسيا فورماتىندا 20-شى قازاقستان- قىتاي كونسۋلدىق كونسۋلتاتسيالارى ءوتتى. قازاقستاندىق دەلەگاتسيانى ق ر س ءى م كونسۋلدىق قىزمەت دەپارتامەنتىنىڭ ديرەكتورى باۋىرجان اقاتايەۆ، قىتايلىق دەلەگاتسيانى ق ح ر س ءى م كونسۋلدىق دەپارتامەنتىنىڭ ديرەكتورى ۋ سي باسقاردى.

كەزدەسۋ بارىسىندا تاراپتار «ساعاتتارىن تەڭەستىردى» جانە ازاماتتاردىڭ ءوزارا جول ءجۇرۋىن جەڭىلدەتۋگە، كونسۋلدىق ماسەلەلەر بويىنشا شارت- قۇقىقتىق بازانى ودان ءارى كەڭەيتۋگە، ەكى ەل اۋماعىندا ازاماتتار مەن زاڭدى تۇلعالاردىڭ قۇقىقتارى مەن مۇددەلەرىن قورعاۋعا، سونداي-اق قازاقستاننىڭ قىتايداعى جانە قىتايدىڭ قازاقستانداعى كونسۋلدىق مەكەمەلەرىنىڭ گەوگرافياسىن كەڭەيتۋگە بايلانىستى كونسۋلدىق سالاداعى ەكىجاقتى ىنتىماقتاستىق ماسەلەلەرىنىڭ كەڭ اۋقىمىن تالقىلادى.

قازاقستان تاراپى ق

ر ازاماتتارىنا، ءبىرىنشى كەزەكتە قىتاي وقۋ ورىندارىندا ءبىلىم الۋشىلارعا ق ح ر ۆيزالارىنىڭ بارلىق ساناتتارىن بەرۋدى تەز ارادا قايتا باستاۋ ماسەلەسىنە باستاماشىلىق جاسادى»، - دەلىنگەن ۆەدومستۆو حابارلاماسىندا.

تاراپتار تۇراقتى نەگىزدە كونسۋلدىق ماسەلەلەر بويىنشا ىنتىماقتاستىقتىڭ ءوزارا ءىس- قيمىلىن ودان ءارى نىعايتۋعا جانە ۇلعايتۋعا دايىن ەكەندىگىن راستادى.

«بارلىعىمىز ءۇشىن قازىرگى كۇردەلى جاعدايلاردا وسىنداي كونسۋلتاتسيالار وتكىزۋ قازاقستان مەن قىتاي اراسىنداعى ءوزارا ءتيىمدى ىنتىماقتاستىقتى نىعايتىپ، پاندەميادان كەيىنگى كەزەڭدەگى وزەكتى كونسۋلدىق ماسەلەلەردى شەشۋ بويىنشا ورتاق كۇش- جىگەردى ۇيلەستىرۋگە مۇمكىندىك بەرەدى»، - دەپ اتاپ ءوتتى ب. اقاتايەۆ.

فوتو: gov.kz