اتاۋلى الەۋمەتتىك كومەكتى قانشا ادام العانى جاريالاندى
«ا ءا ك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ %70 ىنان تومەن ازاماتتارعا تاعايىندالادى. بۇدان باسقا، ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلىپ جاتىر»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى مالىمەتىندە.
ۆەدومستۆو مالىمەتىنشە، 2022 -جىلعى 1-تامىزداعى جاعداي بويىنشا ا ءا ك الۋشىلار قاتارىنداعى 1 جاستان 6 جاسقا دەيىنگى 169,5 مىڭ بالاعا ازىق- تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما بەرىلدى.
قازىرگى ۋاقىتتا قازاقستاندىقتار ا ءا ك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي- اق egov.kz ەلەكتروندى ۇكىمەت پورتالى ارقىلى بەرە الادى.