ياندەكس-گو تاكسيستەرى بيومەتريالىق جۇيە ارقىلى تىركەۋگە الىنادى
18 تامىز 11:08

ياندەكس-گو تاكسيستەرى بيومەتريالىق جۇيە ارقىلى تىركەۋگە الىنادى

نۇر- سۇلتان. قازاقپارات – ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ياندەكسgo قوسىمشاسىن پايدالاناتىن ازاماتتاردىڭ قاۋىپسىزدىگىن نىعايتۋدىڭ ءبىر جولىن اتادى، دەپ حابارلايدى قازاقپارات ءتىلشىسى.

«ەڭبەك جانە حالىقتى الەۋمەتتىك قورعاۋ ءمينيسترى تامارا قاسىم قىزىمەن بىرگە «ياندەكس GO» كومپانياسىنىڭ باس ديرەكتورى الەكساندر انيكينمەن كەزدەستىك. كەزدەسۋگە باسقا دا مينيسترلىكتەردىڭ وكىلدەرى شاقىرىلدى.

قازىرگى تاڭدا ياندەكس پلاتفورماسىندا 150 مىڭعا جۋىق ادام جۇمىس ىستەيدى. كوبىنە بۇل كىسىلەر الەۋمەتتىك تۇرعىدا قورعالماعان، سەبەبى ولار تىركەلگەن تاكسي پاركتەرىنىڭ كەيبىرى ءتيىستى سالىق پەن اۋدارىمداردى تولەمەيدى.

جۇمىسپەن قامتاماسىز ەتۋدىڭ پلاتفورمالىق نۇسقاسى كەڭ تارالىپ جاتقاندىقتان، مەملەكەت وسىنداي پلاتفورمالار ارقىلى تابىس تاباتىن ازاماتتاردى قولداۋ جاعىن ويلاستىرۋى كەرەك»، - دەپ جازدى مينيستر Instagram پاراقشاسىندا.


ۆەدومستۆو باسشىسى، جۇرگىزۋشىلەرگە پلاتفورماعا تىكەلەي تىركەلۋ مۇمكىندىگى ۇسىنىلعانىن اتاپ وتكەن.

«سوندا مەملەكەت ولاردى الەۋمەتتىك تۇرعىدا قورعاي الادى. ايتا كەتسەك، قازىر ياندەكس 63 قازاقستاندىق تاكسي پاركىمەن جۇمىس ىستەپ وتىر. سونداي-اق، كومپانيا باسشىسىمەن ياندەكسgo قوسىمشاسىن پايدالانۋ كەزىندە ازاماتتاردىڭ قاۋىپسىزدىگىن ءبىرىنشى ورىنعا قويۋ ماسەلەسىن تالقىلادىق. قوسىمشادا تىركەلگەن جۇرگىزۋشىلەردى سايكەستەندىرۋ جانە ولاردىڭ قۇجاتتارىنىڭ دۇرىستىعىن تەكسەرۋ ماڭىزدى. ول ءۇشىن بيومەتريالىق جۇيەنى قولدانۋعا بولادى. بۇل نە ءۇشىن كەرەك؟ ماسەلەن، بىرەۋلەردىڭ جۇرگىزۋشى كۋالىگى جوق نەمەسە بوگدە ادامدار ارقىلى تىركەلۋ وقيعالارى كەزدەسەدى»، - دەيدى باعدات مۋسين.

جاڭالىقتار