توكيو وليمپياداسىنىڭ توڭىرەگىندە سىبايلاس جەمقورلىق داۋى تۋىندادى

توكيو. قازاقپارات - جاپونيادا توكيو وليمپياداسىن ۇيىمداستىرۋ كوميتەتىنىڭ مۇشەسى مەن 2020 -جىلعى وليمپياداعا كۇتپەگەن جەردەن دەمەۋشىلىك جاساعان كيىم تىگۋ كومپانياسىنىڭ ءۇش قىزمەتكەرى پارا الدى دەگەن كۇدىكپەن ۇستالدى، دەپ حابارلايدى قازاقپارات Euronews-كە سىلتەمە جاساپ.

وليمپيادادا جارناما ورنالاستىرۋمەن اينالىسقان حارۋيۋكي تاكاحاسي «اوكي حولدينگس» كومپانياسىنىڭ بۇرىنعى باسشىسى مەن ونىڭ قاراماعىنداعى ەكى قىزمەتكەرىنەن پارا الدى دەگەن كۇدىككە ءىلىندى.

مەكتەپ تۇلەكتەرىنە ارزان كوستيۋمدەر تىگۋگە ماماندانعان بۇل كومپانيا جاپونيانىڭ وليمپيادالىق قۇراماسىنىڭ فورماسىن جاساۋعا تاپسىرىس العان. جاپون پروكۋراتۋراسىنىڭ ايتۋىنشا، بۇل تاڭداۋ بىردەن كۇدىك تۋدىرعان، ويتكەنى مۇنداي تاپسىرىستاردى ادەتتە تانىمال فيرمالار الادى.

بۇل تەرگەۋ جاپونيانىڭ 2030 -جىلعى قىسقى وليمپيادا ويىندارىن وتكىزۋگە دەگەن وتىنىشىنە نۇقسان كەلتىرۋى مۇمكىن. جاپون وليمپيادا كوميتەتى مەن «اوكي» كومپانياسى بۇل ايىپتاۋلارعا قاتىستى ازىرگە تۇسىنىكتەمە بەرگەن جوق.