وتىز جىل جازىلعان كىتاپ: شوقان ءۋاليحانوۆ تۋرالى ەڭبەك جارىق كوردى
18 تامىز 10:25

وتىز جىل جازىلعان كىتاپ: شوقان ءۋاليحانوۆ تۋرالى ەڭبەك جارىق كوردى

نۇر-سۇلتان. قازاقپارات - كىتاپتى جازۋ بارىسىندا اۆتور سيرەك مۇراعاتتارمەن تانىسۋ ءۇشىن بىرنەشە ەلدەردى ارالاپ، تىڭ دەرەكتەرمەن تانىسقان، دەپ مالىمدەدى «حابار24» ارناسى.

30 جىل بويى جازىلعان كىتاپتىڭ تۇساۋكەسەرى جەتىسۋ وبلىسى كەربۇلاق اۋدانى شوقان اۋىلىندا ءوتتى. ول «شوقان ءۋاليحانوۆتىڭ تاعدىرى مەن مۇراسى» دەپ اتالادى.

كىتاپ قازاقستاندىق عالىم، ساياحاتشى- ەتنوگرافتىڭ مۇراجايىندا تانىستىرىلدى. زەرتتەۋدىڭ اۆتورى جاراس ەرمەكبايەۆ تۋىندى ءۇشىن وتىز جىل ۋاقىتىن ارناعان. بۇل بەكەر ەمەس. ويتكەنى، ونىڭ اجەسى شوقان ءۋاليحانوۆ تۋعان اۋىلدان. بۇكىل بالالىق شاعى عالىمدى قاستەرلەپ، دارىپتەيتىن مەكەندە وتكەن اۆتور وسىلايشا شوقانعا كىتاپ ارناۋدى ۇيعارادى. كىتاپتى جازۋ بارىسىندا اۆتور سيرەك مۇراعاتتارمەن تانىسۋ ءۇشىن بىرنەشە ەلدەردى ارالاپ، تىڭ دەرەكتەرمەن تانىسقان. «اسىرەسە، شوقاننىڭ قولجازبالارىن وقۋ قيىنعا سوقتى»، - دەيدى اۆتور.

«قازاقستاندا ءبىر ادام عانا شوقاندى وقيتىن. مارقۇم ول اناۋ ماريام سۇلەيمەنوۆا دەگەن ءبىر عالىم بولعان. تاريح ينستيتۋتىندا. سول شوقانتانۋشى بولدى. 0232 جازعانى قىسقاشا، تەز جازادى عوي، دالادا جۇرەدى عوي ەندى. كوشپەندىلى بولاتىن، ساياحاتشى بولاتىن. سونداي ءومىرى قىسقا بولعانىمەن ءبىراز قولجازبالارى قالدى. ول بۇرىنعى لەنينگراد بولدى، قازىر سانكت- پەتوربوردىڭ ارحيۆىندە، مەن سونى قارادىم، وتىردىم، قورى بار»، دەيدى كىتاپ اۆتورى، تاريح عىلىمدارىنىڭ دوكتورى جاراس ەرمەكباي.

جاڭالىقتار