قىزىلوردادا كولىگىمەن جاس ءوسپىرىم قىزدى قاعىپ، وقيعا ورنىنان قاشىپ كەتكەن جۇرگىزۋشىسى ۇستالدى

قىزىلوردا. قازاقپارات - قىزىلوردادا كولىگىمەن جاس ءوسپىرىم قىزدى قاعىپ، وقيعا ورنىنان قاشىپ كەتكەن جۇرگىزۋشىسى ۇستالدى، دەپ حابارلايدى قازاقپارات ءتىلشىسى.

قىزىلوردا قالاسىنداعى سالاماتوۆ جانە شىمباي كوشەلەرىنىڭ قيىلىسىندا ورنالاسقان كوپىر استىنداعى اينالما جولدا بەلگىسىز جۇرگىزۋشى جولدى كەسىپ وتپەكشى بولعان ۆەلوسيپەدتەگى جاس ءوسپىرىم قىزدى قاعىپ كەتكەن. سودان كەيىن وقيعا بولعان جەردەن بوي تاسالاعان.

«جول-كولىك وقيعاسى سالدارىنان جاس ءوسپىرىم قىز دەنە جاراقاتىن الىپ، اۋرۋحاناعا جەتكىزىلدى. اتالعان جول-كولىك وقيعاسىنا بايلانىستى قىزىلوردا وبلىسى پ د جەرگىلىكتى پوليتسيا قىزمەت باسقارماسىنىڭ ىزدەستىرۋ توبىمەن جۇرگىزىلدى. ناتيجەسىندە، 46 جاستاعى «Kia Rio» ۇلگىسىندەگى اۆتوكولىك جۇرگىزۋشىسى ۇستالدى»، دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

ۆەدومستۆو مالىمەتىنشە، قۇقىق بۇزۋشىعا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 2-بولىگىمەن جانە 611-بابىنىڭ 2-بولىگىمەن اكىمشىلىك حاتتامالار تولتىرىلعان.