يسلاميادادا سۋعا جۇزۋدە قازاق سپورتشىسى رەكورد جاڭارتتى
18 تامىز 07:55

يسلاميادادا سۋعا جۇزۋدە قازاق سپورتشىسى رەكورد جاڭارتتى

نۇر-سۇلتان. قازاقپارات - تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا قازاقستاندىقتار جۇلدە قورىن تولىقتىردى، دەپ حابارلايدى قازاقپارات ءتىلشىسى.

يسلاميادادا بۇگىن قازاقستاندىقتار سپورتتىڭ بىرنەشە تۇرىنەن ويىن كورسەتىپ جاتىر.

سۋعا جۇزۋدەن باتتەرفلەي ادىسىمەن 50 مەترگە جارىسۋدا ادىلبەك مۋسين الدىنا جان سالعان جوق. ول يسلام ىنتىماقتاستىعى ويىندارىنىڭ رەكوردىن جاڭارتتى. سونداي- اق، قازاقستان رەكوردىنا دا تۇزەتۋ ەنگىزدى.

ەسكە سالساق، بۇدان بۇرىن ەل قۇراماسىنان ادىلبەك مۋسين 100 مەتر قاشىقتىققا باتتەرفلياي ادىسىمەن جۇزۋدە ۇزدىك ناتيجەگە قول جەتكىزدى. كورسەتكىشى - 53,20 سەكۋند.

سونداي-اق، كاراتە- دو سپورتىنان قايسار الپىسباي (60 كەلى) جەڭىس تۇعىرىنا كوتەرىلدى. ول فينالدا كۋۆەيتتىك قارسىلاسىنان ايلاسىن اسىرىپ كەتتى.

ال ايەلدەر اراسىندا 100 مەترلىك قاشىقتىقتا ارالاس ەستافەتادا كسەنيا يگناتوۆا، ادەلايادا پچەلينسيەۆا، دانيەلا ديۋ مەن سوفيا ابۋباكىروۆا كۇمىسكە قول سوزسا، ەرلەر اراسىندا ەگور پوپوۆ، ارسەن قوجاحمەتوۆ، ماكسيم سكازوبسوۆ، ايبەك قامزەنوۆ قولا الدى.

ناتيجەسىندە قازاقستاندىق سۋعا جۇزۋشىلەر جالى كوماندالىق ەسەپتە ەكىنشى ورىن الدى. الدا - تۇركيا قۇراماسى.

ەسكە سالساق، بۇدان بۇرىن كيكبوكسينگتەن قازاقستاندىق سپورتشىلار ءۇش «التىن» الدى.

يسلام ىنتىماقتاستىعى ويىندارى 2005 -جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.

بيىلعى دوداعا 55 ەلدەن سپورتشىلار كەلدى. ويىندار 8-تامىزدا باستالعان، 18-تامىزدا اياقتالادى.


جاڭالىقتار