كولىك نومەرىن وزگەرتىپ العان تۇركىستاندىقتىڭ ايىپپۇلىن وزگە ادام تولەگەن - فوتو

تۇركىستان. قازاقپارات - قولىمەن كولىك نومەرىن وزگەرتكەن تۇركىستاندىق جۇرگىزۋشىنىڭ كەسىرەن سارىاعاش تۇرعىنى 90 مىڭ تەڭگە ايىپپۇل تولەۋگە ءماجبۇر بولعان، دەپ حابارلايدى قازاقپارات ءتىلشىسى.

«Mercedes» ماركالى كولىكتىڭ جۇرگىزۋشىسى مەملەكەتتىك تىركەۋ نومەرىندەگى 1 ءارىپتى قولدان وزگەرتىپ العان. سودان جول ەرەجەسىن بۇزۋىنا قاتىستى ايىپپۇلدار وزىنە ەمەس، سارىاعاش تۇرعىنىنا جولدانىپ كەلگەن. ايىپپۇلدىڭ دەنى جىلدامدىق شەكتەن تىس اسىرىلعانى ءۇشىن سالىنعان.

سارىاعاشتىق تۇرعىن تۇركىستان وبلىسى پوليتسيا دەپارتامەنتىنىڭ جەدەل باسقارۋ ورتالىعىنا حابارلاسىپ، ارىز تۇسىرگەن. سونىڭ نەگىزىندە ىزدەۋ شارالارى جۇرگىزىلىپ، كۇدىكتى كولىك تۇركىستان قالاسىنان تابىلدى. جالعان ءنومىر تاققان كولىك ءامىر-تەمىر كوشەسىندە توقتاتىلىپ، ق ر ا ق ب ت ك-نىڭ 590-بابى 1-بولىگى «كولىك قۇرالدارىن پايدالانۋ قاعيدالارىن بۇزۋ» بويىنشا اكىمشىلىك حاتتاما تولتىرىلدى. كولىك ايىپ تۇراعىنا جەتكىزىلدى.