يسلاميادادا قازاقستاندىقتار ءۇش «التىن» الدى
17 تامىز 22:40

يسلاميادادا قازاقستاندىقتار ءۇش «التىن» الدى

نۇر-سۇلتان. قازاقپارات - تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا ەل قۇراماسى قورجىنىنا تاعى ءۇش التىن مەدال ءتۇستى، دەپ حابارلايدى قازاقپارات ءتىلشىسى.

بۇگىنگى ويىنداردا قازاقستاندىقتار سپورتتىڭ بىرنەشە تۇرىنەن ونەر كورسەتتى.

كيكبوكسينگتە 51 كەلىدە سىنعا تۇسكەن نۇرسۇلتان جۇمابايەۆ جەڭىس تۇعىرىنا كوتەرىلدى. ول فينالدا وزبەكستاندىق قارسىلاسىن قاپى قالدىرىپ كەتتى.

سونداي-اق اتالعان جارىس تۇرىنەن ءاليحان وزدويەۆ (67 كەلى)، مارات ءوسىپوۆ (71 كەلى) التىننان القا تاقتى.

ال سپورتتىق گيمناستيكادان قىزدار كوماندالىق ەسەپتە ءۇشىنشى ورىنعا تابان تىرەدى.

قازاقستاندىق سپورتشىلاردىڭ ويىندار بارىسىنداعى جەتىستىگىن بۇعان دەيىن دە جازعان بولاتىنبىز.

يسلام ىنتىماقتاستىعى ويىندارى 2005-جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.

بيىلعى دوداعا 55 ەلدەن سپورتشىلار كەلدى. ويىندار 8- تامىزدا باستالعان، 18- تامىزدا اياقتالادى.

جاڭالىقتار