«زەردە» حولدينگى كومپانيانىڭ تاراتىلۋىنا بايلانىستى مالىمدەمە جاسادى

نۇر-سۇلتان. قازاقپارات - «زەردە» حولدينگىنىڭ رەسمي سايتىندا كومپانيانىڭ تاراتىلۋىنا بايلانىستى مالىمدەمە جاريالاندى، دەپ حابارلايدى قازاقپارات ءتىلشىسى.

«زەردە» ۇلتتىق ينفوكوممۋنيكاتسيا حولدينگى» ا ق (ب س ن: 080940016280) ءوزىنىڭ تاراتىلاتىنى تۋرالى حابارلايدى.

شاعىمدار حابارلاندىرۋ جاريالانعان كۇننەن باستاپ 2 اي ىشىندە نۇر-سۇلتان قالاسى، ماڭگىلىك ەل داڭعىلى، 55/15 مەكەنجايى بويىنشا، 87172570778، 570908، 570820 تەلەفون نومەرىنە قابىلدانادى»، - دەپ جازىلعان حابارلامادا.

ەسكە سالساق، پرەزيدەنت قاسىم-جومارت توقايەۆ «زەردە» حولدينگىن رەفورمالاۋدى تاپسىرعان ەدى.

ال ۇكىمەتتىڭ كەڭەيتىلگەن وتىرىسىندا مەملەكەت باسشىسى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسينگە ەسكەرتۋ جاساپ، ارتىنشا ۆەدومستۆو باسشىسى «زەردە» حولدينگىن تاراتۋ تۋرالى شەشىم قابىلدانعانىن جاريا ەتتى.

مينيسترلىك مالىمەتىن سۇيەنسەك، «زەردە» حولدينگى 5 جىلدا 7 ميلليارد تەڭگە شىعىنعا باتقان.

8- تامىزدا ۇكىمەت «زەردە» حولدينگى» اكسيونەرلىك قوعامىن جابۋ تۋرالى قاۋلى شىعاردى.