قازاقستاندىق بوكسشىلاردىڭ دۇنيەجۇزىلىك بوكس كەڭەسىندەگى رەيتينگى قانداي
17 تامىز 21:56

قازاقستاندىق بوكسشىلاردىڭ دۇنيەجۇزىلىك بوكس كەڭەسىندەگى رەيتينگى قانداي

نۇر-سۇلتان. قازاقپارات - دۇنيەجۇزىلىك بوكس كەڭەسى (WBC) بارلىق سالماق ساناتى بويىنشا اي سايىنعى رەيتينگىنى جاڭارتتى، دەپ حابارلايدى قازاقپارات ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ.

قازاقستاندىق بوكسشىلاردىڭ اتالعان رەيتينگىدەگى ورنى:

WBC International تيتۋلىنىڭ يەگەرى - سۋپەر اۋىر سالماقتاعى جان كوسوبۋتسكي 12-ورىندا قالدى.

ءبىرىنشى اۋىر كاتەگورياداعى قامشىبەك قوڭقابايەۆ 36 دان 34-پوزيتسياعا كوتەرىلدى. سەرىك ءمۇسادىلوۆ رەيتينگىدە 40-بولىپ تۇر.

ەكىنشى ورتا ديۆيزيونداعى ايدوس ەربوسىن ۇلى مەن ءالي احمەدوۆ سايكەسىنشە 19- جانە 20-ورىندى ساقتاپ قالدى.

مەيىرىم نۇرسۇلتانوۆ ورتا سالماقتا 8-پوزيتسيادا قالدى.

ءبىرىنشى ورتا ساناتتا 28-ورىندا بولعان سادريددين احمەدوۆ رانگىلەر جونىندەگى تابەلدەن شىعارىلعان.

جارتىلاي ورتا سالماقتا ونەر كورسەتەتىن دانيار ەلەۋسىنوۆ ءبىر ورىن تومەن سىرعىپ، 22- بولدى. تالعات شايكەنوۆ تە ءبىر پوزيتسيا جوعالتىپ، 33-ورىنعا تۇراقتادى.

باتىر جۇكەمبايەۆ ءبىرىنشى جارتىلاي ورتا ديۆيزيوندا رەيتينگىنىڭ 25-ورنىندا قالدى.

جاڭالىقتار