20:30, 17 - تامىز 2022 | GMT +6
سيرياداعى ارنايى وپەراتسيا كەزىندە تۇركيانىڭ ءبىر اسكەرى قازا تاپتى
اممان. قازاقپارات - سەيسەنبى كۇنى سيريانىڭ الەپپو قالاسىنىڭ ماڭىنداعى شەكارالىق اسكەري بەكەتتەرگە تۇرىك اۆياتسياسىنىڭ شابۋىلى سالدارىنان 11 اسكەري قىزمەتشى قازا تاپتى، دەپ حابارلايدى قازاقپارات ءتىلشىسى سيريانىڭ ادام قۇقىقتارى جونىندەگى وبسەرۆاتورياسىنا سىلتەمە جاساپ.
تۇرىك اۋە كۇشتەرىنىڭ سيريانىڭ سولتۇستىگىنە جاساعان سوققىسىنان كەمىندە 11 ادام قازا تاپتى، ولاردىڭ اراسىندا ۇكىمەت ساربازدارى دا بار. بۇل تۋرالى ۇلى بريتانيادا ورنالاسقان سيرياداعى ادام قۇقىقتارى جونىندەگى وبسەرۆاتوريا مەن كۇرد اقپارات قۇرالدارى حابارلادى.
تۇركيانىڭ قورعانىس مينيسترلىگىنىڭ مالىمەتىنشە، قاقتىعىس كۇشەيگەندە كۇرد كۇشتەرى تۇركيا اۋماعىنا سوققى بەرىپ، سالدارىنان ءبىر سارباز قازا تاپتى. ءوز كەزەگىندە سيريانىڭ مەملەكەتتىك ب ا ق- تارى قاقتىعىس سالدارىنان سيريا ارمياسىنىڭ ءۇش ساربازى قازا تاۋىپ، تاعى التاۋى جارالانعان.