كەزەكتى ازيا پاراليمپيادا ويىندارى حانجوۋدا وتەدى
17 تامىز 20:14

كەزەكتى ازيا پاراليمپيادا ويىندارى حانجوۋدا وتەدى

بەيجىڭ. قازاقپارات - بيىلعى كۇزگە جوسپارلانعان حانجوۋ-2022 IV ازيا پاراليمپيادا ويىندارى 2023-جىلدىڭ 22-28- قازانى ارالىعىندا حانجوۋ قالاسىندا (چجەتسزيان پروۆينتسياسى، شىعىس قىتاي) وتەدى.

بۇل تۋرالى سارسەنبى كۇنى ازيا پاراليمپيادا كوميتەتى (ا پ ك) تاراتقان حابارلامادا ايتىلدى، دەپ حابارلايدى قازاقپارات ءتىلشىسى.

حابارلامادا ازيا پاراليمپيادا ويىندارىنىڭ ۇزاقتىعى وزگەرىسسىز قالاتىنى جانە ازيا ويىندارى اياقتالعاننان كەيىن ەكى اپتادان سوڭ وتەتىنى ايتىلعان.

XIXازيا ويىندارى حانجوۋ قالاسىندا 2023-جىلدىڭ 23 - قىركۇيەگى مەن 8 - قازانى ارالىعىندا وتەدى.

قىتايدا ازيا پاراليمپيادا ويىندارى ەكىنشى رەت وتكەلى وتىر. 2010-جىلى ويىنداردى گۋانجوۋ قابىلداعان بولاتىن.

بۇعان دەيىن حابارلانعانداي، مامىر ايىندا XIX ازيا ويىندارىن جانە ازيا پاراليمپيادا ويىندارىن كەيىنگە قالدىرۋ تۋرالى شەشىم قابالداندى.

جاڭالىقتار