عالىمدار جاساندى بۇلشىقەت ءتارىزدى تەكستيلدى ويلاپ شىعاردى
17 تامىز 19:03

عالىمدار جاساندى بۇلشىقەت ءتارىزدى تەكستيلدى ويلاپ شىعاردى

نۇر-سۇلتان.قازاقپارات - جاساندى ينتەللەكت تەحنولوگياسىمەن تىگىلگەن يكەمدى ماتا. اۆستراليالىق ينجەنەرلەر جاساندى بۇلشىقەت ءتارىزدى تەكستيلدى ويلاپ شىعاردى.

ماتا تالشىقتارى ىشىنە سۋ قۇيىلعان سيليكوندى تۇتىكشەلەردەن جاسالعان. گيدراۆليكا كومەگىمەن الگى تۇتىكشەلەر ادامنىڭ بۇلشىقەتى سياقتى قوزعالىسقا كەلەدى. عالىمدار مۇنداي تەحنولوگيانى ەكزوقاڭقا وندىرىسىندە قولدانۋعا بولادى دەيدى. ياعني وسىنداي ماتامەن قاپتالعان قاڭقا نە كيىم ادامداردىڭ قان اينالىمىن جاقسارتۋعا سەپ بولماق. عالىمداردىڭ پايىمداۋىنشا، اقىلدى تەكستيل شامامەن ەكى جىلدان كەيىن جاپپاي وندىرىسكە شىعۋى مۇمكىن.

تحان نحو دو، جوبا جەتەكشىسى:

- ءبىز اقىلدى تەكستيلدىڭ ءتۇرلى قيمىل جاساپ، ءارقيلى پىشىنگە كەلۋىن باعدارلاي الامىز. ياعني ماتا قۇرىلىمنىڭ D 2 جانەD 3 فورماسىنا قاراي بەيىمدەلەدى. ال ماتانىڭ ءوزى جۇقا، يكەمدى ءارى سوزىلعىش كەلەدى.

www.24.kz

جاڭالىقتار