بۋرابايدا بالىق قىرىلىپ جاتىر

نۇر-سۇلتان.قازاقپارات- بۋرابايداعى ۇلكەن شاباقتى كولىندە بالىق قىرىلىپ جاتىر. جەرگىلىكتى تۇرعىندار مەن تۋريستەر ءولى بالىقتاردى ۆيدەوعا ءتۇسىرىپ، الەۋمەتتىك جەلىگە جاريالادى.

ايتۋلارىنشا، اراسىندا ءىرى بالىق تا، شاباق تا كوپ. ال اۋماققا جاۋاپتى «بۋراباي» ۇلتتىق تابيعي پاركىنىڭ ماماندارى بۇنى جاپپاي قىرىلۋ دەپ ايتۋعا بولمايدى، دەيدى. سەبەبى سۋدان سىناما الىپ، قۇرامىندا زياندى زاتتاردىڭ جوقتىعىن انىقتاپتى. جىلدا وسى ۋاقىتتا بالدىر گۇلدەپ، كومىرقىشقىل گازى بولىنەدى ەكەن. سالدارىنان سۋ جاندىگىنە وتتەگى جەتىسپەي، ءبىرازى قىرىلادى دەپ وتىر. ال مۇنداي قۇبىلىس تەك سۋدىڭ تاياز جەرلەرىندە بولادى ەكەن. دەگەنمەن، قازىر سۋدىڭ قۇرامىن وبلىستىق ەكولوگيا دەپارتامەنتى دە تەكسەرىپ جاتىر. ناتيجەسى بىرنەشە كۇننەن سوڭ بەلگىلى بولادى.

www.24.kz