كۇزدە ەلوردادا تابىسى از وتباسىلارعا الەۋمەتتىك كارتا بەرىلەدى

None
نۇر- سۇلتان. قازاقپارات - ەلوردا اكىمى التاي كولگىنوۆ حالىقتىڭ الەۋمەتتىك وسال توپتارىن ازىق- تۇلىكپەن قامتاماسىز ەتۋ جۇمىستارى جايىندى ايتتى، دەپ حابارلايدى قازاقپارات.

«الەۋمەتتىك ماڭىزداعى ازىق- تۇلىك بويىنشا قاداعالاۋ جۇمىستارى وزەكتى بولىپ تۇر. اسىرەسە، ماۋسىمارالىق كەزەڭدە بۇل وزەكتى تاقىرىپ ەكەنى بەلگىلى. بيىل كۇزدە «Amanat» پارتياسىمەن بىرلەسە قاناتقاقتى جوبا رەتىندە الەۋمەتتىك كارتالاردى بەرۋدى ىسكە قوسامىز. قازىرگى كەزدە اينالىمعا 14 ميلليارد تەڭگە بولدىك. بۇل قوماقتى قاراجات ءوز ناتيجەسىن بەرەدى، الايدا قاجەتتى كولەمدى تولىق قامتىمايدى» ، - دەدى ا. كولگىنوۆ ەلوردا ءماسليحاتىنىڭ كەزەكتەن تىس سەسسياسىندا.

ونىڭ ايتۋىنشا، اتالعان ءىس- شارالار اتاۋلى سيپاتتا بولادى.

«ازىق- تۇلىك باعاسى كۇرت وسكەن كەزدە، ياعني ەلىمىزدە تولىق كولەمدە وندىرىلمەيتىندەرى بويىنشا باعا شارىقتاسا، وندا الەۋمەتتىك كارتا اتاۋلى سيپاتتا بولادى. بۇل كارتالار حالىقتىڭ الەۋمەتتىك جاعىنان وسال توپتارىنا ارنالادى. وسى ورايدا ساۋدا جەلىسىن قامتىپ تۇرعان «Magnum» وكىلدەرىمەن كەلىستىك. الداعى ۋاقىتتا باسقا دا گيپەرماركەتتەرگە وسى تاجىريبەنى تاراتامىز» ، - دەدى اكىم.

بۇدان بۇرىن حابارلانعانداي، ەلوردادا حالىقتىڭ الەۋمەتتىك وسال توپتارى ازىق- تۇلىكتى ارنايى كارتا ارقىلى ساتىپ الادى.


سوڭعى جاڭالىقتار