باسكەلەستىكتى قورعاۋ جانە دامىتۋ اگەنتتىگىنىڭ جاڭا ءتوراعاسى تانىستىرىلدى

None
None
نۇر- سۇلتان. قازاقپارات - پرەزيدەنت اكىمشىلىگىنىڭ باسشىسى باسكەلەستىكتى قورعاۋ جانە دامىتۋ اگەنتتىگىنىڭ ۇجىمىنا جاڭا ءتوراعانى تانىستىردى، دەپ حابارلايدى قازاقپارات اقورداعا سىلتەمە جاساپ.

پرەزيدەنت اكىمشىلىگىنىڭ باسشىسى اگەنتتىكتىڭ بۇرىنعى ءتوراعاسى سەرىك جۇمانعارينگە تابىستى قىزمەتى ءۇشىن العىس ءبىلدىرىپ، ونىڭ جوعارى كاسىبي بىلىكتىلىگىن اتاپ ءوتتى.


مۇرات نۇرتىلەۋ ۆەدومستۆو ۇجىمىنا جاڭا باسشىنى تانىستىرا وتىرىپ، مارات وماروۆتىڭ ءارتۇرلى جاۋاپتى لاۋازىمداردا مول تاجىريبە جيناعانىن اتاپ ءوتتى.

مۇرات نۇرتىلەۋ قازىرگى ۋاقىتتا ۆەدومستۆو قىزمەتىنىڭ الدىندا پرەزيدەنت قاسىم- جومارت توقايەۆ قويعان ماڭىزدى مىندەتتەر تۇرعانىنا باسا ءمان بەردى. اتاپ ايتقاندا، اگەنتتىك ءادىل باسەكەنى دامىتۋ جانە قورعاۋدىڭ ءتيىمدى جۇيەسىن قالىپتاستىرۋعا، ەكونوميكانى دەمونوپوليزاتسيالاۋعا، مەملەكەتتىڭ كاسىپكەرلىك قىزمەتكە ارالاسۋىن شەكتەۋ جۇمىسىنا بار كۇش- جىگەرىن جۇمىلدىرۋى ءتيىس.


پرەزيدەنت اكىمشىلىگىنىڭ باسشىسى اگەنتتىك ۇجىمىنا تابىس تىلەدى.

ەسكە سالساق، بۇعان دەيىن حابارلاعانىمىزداي، مەملەكەت باسشىسىنىڭ جارلىعىمەن مارات تالعات ۇلى وماروۆ قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى بولىپ تاعايىندالدى.

فوتو: akorda.kz


سوڭعى جاڭالىقتار