مەملەكەت باسشىسىنىڭ سينگاپۋرعا رەسمي ساپارىن ۇيىمداستىرۋ ماسەلەلەرى تالقىلاندى

None
None
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆتىڭ سينگاپۋرعا رەسمي ساپارى جوسپارلانىپ وتىر، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىنى سينگاپۋرعا جاساعان رەسمي ساپارى اياسىندا ەل پرەزيدەنتى حاليما ياكۋب يستانا رەسمي رەزيدەنسياسىندا قابىلدادى.


تاراپتار ەلدەرىمىز اراسىنداعى قاتىناستاردى ودان ءارى نىعايتۋ جانە ەكونوميكالىق بايلانىستاردى كەڭەيتۋ ماسەلەلەرىن تالقىلادى. م. تىلەۋبەردى سينگاپۋر باسشىسىنا قازاقستان پرەزيدەنتى قاسىم- جومارت توقايەۆتىڭ ىزگى تىلەكتەرى مەن سالەمىن جەتكىزدى. مەملەكەت باسشىسىنىڭ سينگاپۋرعا الداعى رەسمي ساپارىن ۇيىمداستىرۋ ماسەلەلەرى قوزعالدى.

مينيستر كونستيتۋتسياعا تولىقتىرۋلار مەن تۇزەتۋلەر ەنگىزۋ بويىنشا ەلدە وتكىزىلگەن جالپى حالىقتىق رەفەرەندۋمنىڭ ناتيجەلەرى، سونداي- اق مەملەكەت باسشىسى ق. توقايەۆتىڭ «جاڭا قازاقستان» قۇرۋ بويىنشا ساياسي جانە ەكونوميكالىق رەفورمالارى تۋرالى ايتتى.


ح. ياكۋب ق ر پرەزيدەنتىنە جىلى لەبىزىن ءبىلدىرىپ، قازاقستان مەن سينگاپۋر اراسىنداعى سەنىمدى ديالوگ پەن ءوزارا قولداۋعا نەگىزدەلگەن ساياسي ديالوگ پەن ءوزارا ءتيىمدى سەرىكتەستىكتىڭ جوعارى دەڭگەيىن اتاپ ءوتتى.

سينگاپۋر پرەزيدەنتى ازياداعى بەيبىتشىلىكتى، قاۋىپسىزدىك پەن تۇراقتىلىقتى قامتاماسىز ەتۋگە جانە جاھاندىق ءدىنارالىق ديالوگتى ىلگەرىلەتۋگە ۇمتىلۋ باعىتىندا نۇر- سۇلتان قالاسىندا وتەتىن ازياداعى ءوزارا ءىس- قيمىل جانە سەنىم شارالارى جونىندەگى كەڭەسكە قاتىسۋشى ەلدەردىڭ الداعى ءسامميتى مەن الەمدىك جانە ءداستۇرلى دىندەر ليدەرلەرى سەزى شەڭبەرىندەگى قازاقستاننىڭ قىزمەتىن جوعارى باعالادى.

سول كۇنى س ء ى م باسشىسى م. تىلەۋبەردى سينگاپۋر رەسپۋبليكاسى پرەمەر- ءمينيسترىنىڭ ورىنباسارى - قارجى ءمينيسترى، حالىقتىق ءىس- قيمىل پارتياسىنىڭ ءتورتىنشى بۋىن (4G) كومانداسىنىڭ ساياسي كوشباسشىسى لوۋرەنس ۆونگپەن كەلىسسوزدەر جۇرگىزدى.

قازاقستاننىڭ سينگاپۋرمەن ىنتىماقتاستىعىنىڭ ماڭىزدى ەلەمەنتى - كولىكتىك، ساۋدا- ەكونوميكالىق جانە ينۆەستيتسيالىق ءوزارا ءىس- قيمىل. وسىعان بايلانىستى تاراپتار ەكونوميكالىق كووپەراتسيا جوبالارىن جانە ءوزارا ءتيىمدى ىنتىماقتاستىق باعدارلامالارىن ىلگەرىلەتۋ ماسەلەلەرىن ەگجەي- تەگجەيلى تالقىلادى.


قازاقستاننىڭ ترانزيتتىك الەۋەتىن كەڭەيتۋگە جانە وڭدەۋ ونەركاسىبى، اقپاراتتىق- كوممۋنيكاتسيالىق تەحنولوگيالار، قۇرىلىس جانە قارجى سالالارىنداعى قازاقستان- سينگاپۋر كاسىپورىندارىنىڭ جوبالارىن دامىتۋعا ەرەكشە نازار اۋدارىلدى.

سينگاپۋر تاراپى «استانا» حالىقارالىق قارجى ورتالىعىنىڭ قىزمەتى جانە ورتالىقتىڭ نەگىزگى باعىتتارىن دامىتۋ بويىنشا قابىلدانىپ جاتقان شارالار تۋرالى حاباردار ەتىلدى. قازاقستاندىق قارجى ورتالىعى ءۇشىن كاپيتال نارىعىن دامىتۋدىڭ سينگاپۋرلىق تاجىريبەسىن زەردەلەۋ وتە ماڭىزدى ەكەنى اتالىپ ءوتتى.

فوتو: gov.kz


سوڭعى جاڭالىقتار