ىشكى ىستەر مينيسترلىگىنە قاراستى ەكى ج و و باسشىسى جاۋاپقا تارتىلدى
اتاپ ايتقاندا، ىشكى ىستەر مينيسترلىگىنىڭ قوستاناي اكادەمياسى مەن اقتوبە زاڭ ينستيتۋتىنىڭ باسشىلىعى ساپالى، ءتيىمدى وقۋ جانە وقۋ- ادىستەمەلىك جۇمىستى قامتاماسىز ەتپەگەن. تەكسەرۋ ناتيجەسى مەملەكەتتىك جالپىعا مىندەتتى ستاندارتتاردىڭ ساقتالۋى بويىنشا ءتيىستى باقىلاۋ جۇزەگە اسىرىلماعانىن كورسەتتى. سونىمەن قاتار، وقۋ- ادىستەمەلىك پروتسەستى ۇيىمداستىرۋ، وقۋ ورىندارى بولىمشەلەرىنىڭ جۇمىسىن ۇيلەستىرۋ ءتيىستى دەڭگەيدە قالىپتاسپاعان.
قوستاناي اكادەمياسى جانە اقتوبە زاڭ ينستيتۋتىنىڭ باسشىلىعى جۇمىستاعى ولقىلىقتارى مەن كەمشىلىكتەرى ءۇشىن ىشكى ىستەر ءمينيسترى م. احمەتجانوۆتىڭ بۇيرىعىمەن جاۋاپقا تارتىلدى. قازاقستان رەسپۋبليكاسى ءى ءى م ش. قابىلبايەۆ اتىنداعى قوستاناي اكادەمياسى باستىعىنىڭ ورىنباسارى اقان نۇرىشەۆتىڭ قىزمەتكە تولىق سايكەس ەمەستىگى ەسكەرتىلدى. قازاقستان رەسپۋبليكاسى ءى ءى م م. بوكەنبايەۆ اتىنداعى اقتوبە زاڭ ينستيتۋتىنىڭ باستىعى التاي بايسۇلتانوۆقا قاتاڭ سوگىس جاريالاندى.