حالىقارالىق ارميا ويىندارىندا قازاقستاندىق مەرگەندەر مەن ارتيللەريستەر كوش باسىندا - فوتو
17 تامىز 08:55

حالىقارالىق ارميا ويىندارىندا قازاقستاندىق مەرگەندەر مەن ارتيللەريستەر كوش باسىندا - فوتو

نۇر-سۇلتان. قازاقپارات - حالىقارالىق ارميا ويىندارى شەڭبەرىندەگى جارىستار قارقىن الدى.

پوليگونداردا الەمنىڭ ءتۇرلى ەلدەرىنەن جينالعان اسكەري قىزمەتشىلەر شەبەرلىگىن كورسەتىپ جاتىر، دەپ حابارلايدى قازاقپارات ق ر قورعانىس مينيسترلىگىنە سىلتەمە جاساپ.

ۆەدومستۆونىڭ باسپا ءسوز قىزمەتى تاراتقان اقپاراتقا سايكەس، قاراعاندى وبلىسىنىڭ «سپاسسك» وقۋ- جاتتىعۋ ورتالىعىندا ءوتىپ جاتقان «تاكتيكالىق مەرگەن» بايقاۋىنىڭ ءبىرىنشى كەزەڭىندە قازاقستاندىق اتقىشتار ءساتتى ونەر كورسەتتى. «بىلىكتىلىك»، «جارالىلاردى ەۆاكۋاتسيالاۋ» جانە «قورعانىس» جاتتىعۋلارىندا ەلىمىزدىڭ اسكەري قىزمەتشىلەرى وزبەكستان مەن قىتاي كوماندالارىن ارتتا قالدىردى. جەكە ەسەپتە قازاقستاندىق جاۋىنگەرلەرگە تەڭ كەلەر ەشكىم بولمادى دەسە بولادى. مايور ارمان ياكۋبوۆ ۇزدىك اتانسا، ەكىنشى ورىندى لەيتەنانت رۋسلان مولدابايەۆ، ءۇشىنشى ورىندى كاپيتان داۋلەت قۇلماحانوۆ يەلەندى.


جامبىل وبلىسىنىڭ «گۆاردەيسك» پوليگونىندا ءوتىپ جاتقان «ارتيللەريادان وق اتۋ شەبەرلەرى» مينااتقىش ەسەپتوپتارىنىڭ جارىسىندا قازاقستاندىق كوماندا ايقىن جەڭىسكە جەتتى. ءبىرىنشى كەزەڭنىڭ جەكە جارىسىندا ءبىزدىڭ ارتيللەريستەر بارلىق تاپسىرمالاردى ءساتتى ورىنداپ شىقتى. كورسەتكىش ۋاقىتى - 15 مينۋت 53 سەكۋند. ەكىنشى ورىنداعى رەسەيلىك اسكەري قىزمەتشىلەردىڭ ناتيجەسى - 18 مينۋت 17 سەكۋند. ءۇشىنشى ورىندى يەلەنگەن بەلارۋس مينوااتقىشتارىنىڭ ناتيجەسى - 22 مينۋت 16 سەكۋند. تۇنگى سپرينتتە دە 10 مينۋت 33 سەكۋند ناتيجەسىمەن قازاقستان ۇزدىك اتاندى. مارەگە ەكىنشى بولىپ 14 مينۋت 15 سەكۋندپەن ازەربايجاننىڭ اسكەري قىزمەتشىلەرى كەلدى. رەسەيدەن كەلگەن ارتيللەريستەردىڭ كورسەتكىشى - 16 مينۋت 01 سەكۋند.


اقمولا وبلىسىنداعى «اماندىق» وقۋ- جاتتىعۋ پوليگونىندا «مەريديان» اسكەري توپوگرافتار كونكۋرسىنا قاتىسۋشىلار ءبىرىنشى كەزەڭنىڭ قورىتىندىسى بويىنشا اتىس قارۋىنان اتۋدى ورىندادى. بۇل سايىستا وزبەكستاننىڭ اسكەري قىزمەتشىلەرى كوش باستاپ تۇر. ەكىنشى ورىندا - ۆەتنام ءۇشىنشى ورىندا - قازاقستان كوماندالارى. الدا - كاسىبي دايىندىق كەزەڭدەرى. مۇندا ءبىزدىڭ اسكەري قىزمەتشىلەرگە ناتيجەلەرىن جاقسارتۋعا مۇمكىندىك بار.

كاباردينو- بالكاريادا ءوتىپ جاتقان «ەلبرۋس شەڭبەرى» سايىسىندا اسكەري الپينيستەر جاساندى رەلەفتە جەكە ورمەلەۋ جاتتىعۋلارىن ورىندادى. جاتتىعۋ ناتيجەلەرى بويىنشا قازاقستان كومانداسى رەسەي، وزبەكستان، ءۇندىستان جانە قىتاي الپينيستەرىنەن كەيىنگى بەسىنشى ورىنعا جايعاستى. الدا ولاردى تاۋداعى ەڭ كۇردەلى جانە جاۋاپتى كەزەڭ كۇتىپ تۇر. وندا كونكۋرستىڭ جەڭىمپازى مەن جۇلدەگەرلەرى انىقتالاتىن بولادى.



فوتو: www.gov.kz


جاڭالىقتار