اقمولا وبلىسىندا كاسىپكەرلەرگە زاڭسىز حابارلاما جىبەرىلگەن
17 تامىز 08:25

اقمولا وبلىسىندا كاسىپكەرلەرگە زاڭسىز حابارلاما جىبەرىلگەن

كوكشەتاۋ. قازاقپارات - اقمولا وبلىسىندا كاسىپكەرلەرگە 24 زاڭسىز حابارلاما ۇسىنۋ دەرەگى انىقتالدى، دەپ حابارلايدى قازاقپارات ءتىلشىسى.

«جارقايىڭ اۋدانىنىڭ پروكۋراتۋراسى اۋداندىق مەملەكەتتىك كىرىستەر باسقارماسى ۇسىنعان حابارلامالاردى تالداۋ بارىسىندا اۋدان كاسىپكەرلەرىنە 24 زاڭسىز حابارلاما ۇسىنۋ دەرەگىن انىقتادى. بۇل كاسىپكەرلەردىڭ بارلىعى كاسىپكەرلىك قىزمەتىن 2022 -جىلى باستادى، ال سالىق ورگانى 2021 -جىلعى كەزەڭگە سالىق ەسەپتىلىگىن ۇسىنباۋ تۋرالى حابارلاما شىعاردى»، - دەدى اقمولا وبلىستىق پروكۋراتۋراسىنىڭ باسپا ءسوز قىزمەتىنەن.

ۆەدومستۆودان اتاپ وتكەندەي، حابارلامالار ورىندالماعان جاعدايدا سالىق كودەكسىندە ونى ورىنداتۋدىڭ ماجبۇرلەۋ شارالارى كوزدەلگەن، ياعني كاسىپكەرلەرگە قاتىستى شەكتەۋ سيپاتىنداعى شارالار قولدانىلادى. كاسىپكەرلەردىڭ اتىنا حابارلامالاردى زاڭسىز ۇسىنۋ ولاردىڭ قىزمەتىنە ۋاكىلەتتى ورگاننىڭ نەگىزسىز ارالاسۋىنا اكەپ سوقتى.

«وسىعان بايلانىستى، پروكۋراتۋرا اۋداننىڭ سالىق ورگانىنىڭ اتىنا قاداعالاۋ اكتىسىن ەنگىزدى، ونى قاراۋ ناتيجەلەرى بويىنشا زاڭسىز شىعارىلعان حابارلامالاردىڭ كۇشى جويىلدى»، - دەپ تولىقتىردى ۆەدومستۆودان.

ايتا كەتسەك، اقمولا وبلىسىندا وسىمدىكتەر كارانتينى جونىندەگى ينسپەكتور جالعان سەرتيفيكاتتار بەرگەن بولاتىن.


جاڭالىقتار