دانيار ەلەۋسىنوۆتىڭ كاسىپقوي بوكستاعى ەڭ باستى قاتەلىگى ايتىلدى
16 تامىز 22:57

دانيار ەلەۋسىنوۆتىڭ كاسىپقوي بوكستاعى ەڭ باستى قاتەلىگى ايتىلدى

نۇر-سۇلتان. قازاقپارات - MMA- Sport پورتالىنىڭ جۋرناليسى بەن سميت Vesti.kz تىلشىسىنە بەرگەن سۇقباتىندا وليمپيادا چەمپونى دانيار ەلەۋسىنوۆتىڭ (11-0، 6 ك و) كاسىپقوي بوكستاعى ەڭ باستى قاتەلىگىن ايتتى.

«ەلەۋسىنوۆ ەددي حيرننىڭ ەڭ جاقسى كورەتىن بوكسشىلارىنىڭ ءبىرى بولدى. پروموۋتەر وعان ۇنەمى جەكپە-جەك ۇيىمداستىرىپ بەرەتىن. دانيار الەم چەمپيوندارىنىڭ اندەركارتىندا ونەر كورسەتتى. ەلدىڭ نازارىنا ىلىكتى. وسىلاي جالعاسا بەرسە، قازىر ول الەم چەمپيونى بولاتىن ەدى. Matchroom كومپانياسىسىز ول كوپ ناتيجەگە قول جەتكىزە المايدى. ول IBO چەمپيوندىق بەلبەۋىن جەڭىپ الدى. ءبىراق، ودان ءارى جىلجي الماي وتىر. بۇرناعى كۇنى مىقتى مەنەدجەرسىز ۇزاققا بارۋ قيىن. مەن حيرن دە دانياردان ايىرىلىپ قالعانىنا وكىنەدى دەپ ويلايمىن. ەلەۋسىنوۆ - وتە تالانتتى بوكسشى. وعان ءالى بوكستى تاستاۋ ەرتە. ول بوكستى تاستاپ كەتسە، وكىنىشتى بولادى»، - دەدى سميت.

ەسكە سالايىق، 31 جاستاعى ەلەۋسىنوۆ جۋىردا كارەراسىن اياقتاۋى مۇمكىن ەكەنىن ايتتى. ول سونىمەن قاتار ەددي حيرنمەن جۇمىسى تۋرالى ايتىپ، نەگە پروموۋتەردەن كەتكەنىن ايتقان ەدى.

ال سوڭعى رەت ەلەۋسىنوۆ شارشى الاڭعا سوڭعى مارتە وتكەن جىلى جەلتوقسان ايىندا شىعىپ، ارگەنتينالىق حۋان ەرنان لەاونى (15-1، 4 ك و) جەڭىپ، IBO بەلبەۋىن يەلەندى.

جاڭالىقتار